ریحام خان یا کسی بھی فرد پر کبھی بھی ہاتھ نہیں اٹھایا: اعجاز رحمان

بدھ 14 جنوری 2015 21:32

لندن(اُردو پوائنٹ اخبارتازہ ترین۔14جنوری۔2015ء) ریحام خان کے سابق شوہر ڈاکٹر اعجاز رحمان نے خود پر گھریلو تشدد کے لگائے گئے الزامات کی تردید کر دی۔ کہتے ہیں گھریلو تشدد میں ملوث ہوتے تو برطانیہ میں اعلیٰ عہدے پر فائز نہ ہوتے۔برطانوی اخبار میں شائع ہونے والے بیان میں ڈاکٹر اعجاز رحمان کا کہنا تھا انہوں نے ریحام خان یا کسی بھی فرد پر کبھی بھی ہاتھ نہیں اٹھایا اس حوالےسے تمام خبریں جھوٹ ہیں۔

اعجاز رحمان کا کہنا تھا سابق اہلیہ اور تینوں بچوں کو ہر قسم کی آزادی اور زندگی کی سہولیات فراہم کیں۔ ریحام خان کے الزامات کو سن کر انہیں حیرت ہوئی۔ ایک سوال کے جواب میں اعجاز رحمان کا کہنا تھا اس حوالے سے میرے اور ریحام کے مشترکہ دوستوں سے رائے لی جا سکتی ہے۔ ان کا کہنا تھا گھریلو تشدد برطانیہ سمیت پورے یورپ میں سنگین جرم سمجھا جاتا ہے اگر وہ گھریلو تشدد میں ملوث ہوتے تو آج برطانوی محکمہ صحت میں اعلیٰ عہدے پر کام نہ کر رہے ہوتے۔

(جاری ہے)

برطانیہ میں جنگل کا قانون نہیں ہے وہ طلاق کے بعد بچوں کو برطانوی قانون کے تحت خرچ دیتے رہے بطور ثبوت ان کے بینک اکاونٹس چیک کئے جا سکتے ہیں۔ ڈاکٹر اعجاز کا کہنا تھا وہ اگر بچوں کو خرچ نہ دیتے تو قانون کی خلاف ورزی کرتے جس پر ان کا لائسنس منسوخ ہو سکتا تھا۔ ان کا کہنا تھا وہ کمزور نہیں ہیں اپنے دفاع کا حق رکھتے ہیں لیکن کسی بحث میں نہیں پڑنا چاہتے۔

Facebook Twitter Google + Share on Whatsapp

ریحام خان یا کسی بھی فرد پر کبھی بھی ہاتھ نہیں اٹھایا: اعجاز رحمان

متعلقہ عنوان :

مزید اہم خبریں