پختونوں کی پسماندگی اور محرومیوں کا خاتمہ حکومت کی اولین ترجیح ہونی چاہیے،ہاشم بابر
منگل 10 فروری 2015 16:40
پشاور(اُردو پوائنٹ تازہ ترین اخبار۔ 10فروی 2015ء)قومی وطن پارٹی کے صوبائی جنرل سیکرٹری ہاشم بابر نے کہا ہے کہ پختونوں کی پسماندگی اور محرومیوں کا خاتمہ حکومت کی اولین ترجیح ہونی چاہیے تاکہ وہ مزید فعال انداز میں قومی ترقی میں اپنا کردار ادا کرسکے۔ان خیالات کا اظہار انھوں نے گاؤں مھترہ میں مختلف سیاسی جماعتوں سے تعلق رکھنے والے طلباء تنظیموں کے عہدیداروں کی قومی وطن پارٹی میں شمولیت کے موقع پر منعقدہ تقریب سے خطاب کرتے ہوئے کیا۔
اس موقع پر طلبا تنظیموں کے عہدیداروں محمد صادق،امجد خان،فہیم خان،نگار حسین،سہیل اعوان،ہارون خان اور اسفندیار خان نے اپنے درجنوں ساتھیوں سمیت قومی وطن پارٹی میں شمولیت کا اعلان کیا۔ہاشم بابر نے کہا کہ پختونوں کو مختلف ادوار میں مکمل طور پر نظر انداز کیا گیا جس کی وجہ سے وہ انتہائی پسماندگی کی طرف چلے گئے ۔(جاری ہے)
انھوں نے کہا کہ صوبہ میں موجود پی ٹی آئی کی حکومت نہ ہی پختونوں کے مسائل کو سمجھتی ہے اور نہ ہی اس کا ادراک رکھتی ہے جبکہ ان کو ریلیف دینے کیلئے ان کے پاس کوئی پروگرام نہیں اور محض زبانی جمع خرچ کے ذریعے انھیں ٹرخا رہی ہے۔
انھوں نے صوبہ میں جاری امن و امان کی بدترین صورتحال پر تشویش کا اظہار کیا اور کہا کہ امن و امان کا قیام صوبائی حکومت کی ذمہ داری ہے اور وہ اس سے اپنے آپ کو کسی صورت برالذمہ قرار نہیں دے سکتی۔ انھوں نے مزید کہا کہ قومی وطن پارٹی صوبے اور پختونوں کی نمائندہ جماعت ہے اور ان کے مسائل و مشکلات کے خاتمے اور بنیادی سہولیات کی فراہمی سمیت خطے میں امن کے قیام کیلئے جدوجہد کرتی رہے گی اور پختونوں کو اس کھٹن صورتحال میں کسی صورت اکیلا نہیں چھوڑے گی۔تقریب سے قومی وطن پارٹی ضلع پشاور کے جنرل سیکرٹری حاجی سیف اللہ خان نے بھی خطاب کیا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.