سینیٹ کی ذیلی کمیٹی برائے انفارمیشن ٹیکنالوجی نے پروٹیکشن آف سائبر کرائم بل 2014 کی توثیق کردی ، بل مزید جائزہ کیلئے قائمہ کمیٹی برائے انفارمیشن ٹیکنالوجی کو بھیج دیا
جمعرات 26 فروری 2015 22:19
اسلام آباد(اُردو پوائنٹ اخبار تازہ ترین۔26فروری 2015ء) سینیٹ کی ذیلی کمیٹی برائے انفارمیشن ٹیکنالوجی اینڈ ٹیلی کمیونیکیشن نے پروٹیکشن آف سائبر کرائم بل 2014ء کا تفصیلی جائزہ لینے کے بعدتوثیق کرتے ہوئے اسے مزید جائزہ کیلئے سینیٹ کی قائمہ کمیٹی برائے انفارمیشن ٹیکنالوجی کو بھیج دیا ۔ جمعرات کو سینیٹ کی ذیلی کمیٹی برائے انفارمیشن ٹیکنالوجی اینڈ ٹیلی کمیونیکیشن کا اجلاس کنوینر کمیٹی سینیٹر ڈاکٹر عبدالقیوم سومرو کی زیر صدارت پارلیمنٹ ہاؤس میں منعقد ہوا ۔
ذیلی کمیٹی کے اجلاس میں سینیٹر ڈاکٹر کریم احمد خواجہ کے پروٹیکشن آف سائبر کرائم بل 2014ء کا تفصیل سے جائزہ لیا گیا۔ یہ بل سینیٹر ڈاکٹر کریم احمد خواجہ نے سینیٹ اجلاس میں پیش کیا تھا جسے سینیٹ کی قائمہ کمیٹی برائے انفارمیشن ٹیکنالوجی کو جائزہ لینے کیلئے بھیج دیا گیا۔(جاری ہے)
قائمہ کمیٹی نے ڈاکٹر عبدالقیوم سومروکی صدارت میں ایک ذیلی کمیٹی تشکیل دے کر بل متعلق ایک رپورٹ طلب کر لی تھی ۔
ذیلی کمیٹی نے موجودہ اجلاس میں سینیٹر ڈاکٹر کریم احمد خواجہ کے بل کی توثیق کرتے ہوئے قائمہ کمیٹی کو بھیج دیا ۔ سیکرٹری برائے انفارمیشن ٹیکنالوجی نے ذیلی کمیٹی کو بتایا کہ وزارت انفارمیشن ٹیکنالوجی نے پیریونشن آف الیکٹرونک کرائم بل 2014اسی حوالے سے تیار کر کے وزیر اعظم کی منظوری کے بعدقومی اسمبلی میں پیش کیا تھااور قومی اسمبلی نے قائمہ کمیٹی برائے انفارمیشن ٹیکنالوجی کو بل کا جائزہ لینے کے لئے پیش کیا جس نے اس بل پر تفصیلی بحث کے لئے دو میٹنگز بھی کی ہیں اور قومی اسمبلی کی قائمہ کمیٹی نے ماہرین اور ایم این ایز پر مشتمل ایک کمیٹی بنائی ہے جو اس بل کا تفصیلی جائزہ لے رہی ہے ۔پارلیمنٹ جو بھی فیصلہ کریگی ہم اس پر عمل پیرا ہونگے ۔بہتر ہے کہ دونوں بلوں کو اکٹھا کرکے زیادہ سے زیادہ موثر بنایا جائے ۔ذیلی کمیٹی کے اجلاس میں بل کے محرک سینیٹر کریم احمد خواجہ کے علاوہ سیکریٹری انفارمیشن ٹیکنالوجی اور ممبر آئی ٹی نے شرکت کی ۔مزید اہم خبریں
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے بعد وطن واپس روانہ
-
ہمیں ایک ہائی سکیورٹی رسک ملک و قوم کا منفی تاثر زائل کرنا ہوگا، احسن اقبال
-
پاکستان تحریک انصاف کے انٹرا پارٹی الیکشن پر اعتراض ‘الیکشن کمیشن نے اعتراضات پر جواب جمع کروانے کی ہدایت کردی
-
ویوو Y100 کی برانڈ ایمبیسیڈر کے طور پر دُرفشاں سلیم کو متعارف کردیا گیا
-
امریکہ: فائرنگ میں تین پولیس افسران ہلاک، پانچ زخمی
-
غزہ: فائر بندی اور یرغمالیوں کی رہائی کے لیے مذاکرات
-
خیبرپختونخوا میں ’پاکستان ڈیجیٹل سٹی‘ کے قیام کے معاہدے پر دستخط
-
اگر میرے کام میں مداخلت ہو اور میں روک نہ سکوں تو مجھے گھر چلے جانا چاہیے.جسٹس قاضی فیض عیسی‘سب کو معلوم ہے کہ سچ کیا ہے لیکن بولنے کی ہمت کوئی نہیں کررہا.جسٹس اطہر من اللہ
-
خصوصی اقتصادی زونز میں سستی بجلی کی فراہمی کو یقینی بنانے کے لئے اقدامات کی ضرور ت ہے،وفاقی وزیراحسن اقبال
-
عمران خان کی عدت نکاح کیس میں سزا کیخلاف اپیل: خاور مانیکا کی عدم اعتماد کی درخواست پر فیصلہ محفوظ
-
9 مئی جلا ئوگھیرائو کیس میں اسد عمر کی بریت کی درخواست پر فیصلہ محفوظ
-
نیب نے شاہد خاقان عباسی کے خلاف ایل این جی ریفرنس واپس لے لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.