سندھ اسمبلی : سندھ میں بلند و بالا عمارتوں کی غیر قانونی تعمیر کے خلاف کارروائی کی قرارداد منظور،
بلند عمارتوں کے لیے انفرا سٹرکچر نہیں ہوتا ۔ یوٹیلٹی اداروں کے این او سیز کے بغیر بلند عمارتوں کی تعمیر کی اجازت دی جاتی ہے،سید خالد احمد
منگل 3 مارچ 2015 22:20
کراچی ( اُردو پوائنٹ اخبار تازہ ترین۔03مارچ۔2015ء ) سندھ اسمبلی نے منگل کو ایک نجی قرار داد اتفاق رائے سے منظور کر لی ، جس میں مطالبہ کیا گیا کہ کراچی سمیت پورے سندھ میں بلند و بالا (ہائی رائز ) عمارتوں کی غیر قانونی تعمیر کے خلاف کارروائی کی جائے ۔ یہ قرار داد متحدہ قومی موومنٹ ( ایم کیو ایم ) کی خاتون رکن ارم عظیم فاروق نے پیش کی تھی ۔ ارم عظیم فاروق نے کہا کہ کراچی کی آبادی میں بہت اضافہ ہوگیا ہے اور منصوبہ بندی نہیں ہے ۔
جہاں بلند و بالا عمارتیں نہیں ہونی چاہئیں ، وہاں ایسی عمارتیں تعمیر ہو رہی ہیں ۔ انہیں غیر قانونی بجلی ، گیس اور پانی کے کنکشن دیئے جاتے ہیں ۔ علاقے تنگ ہو جاتے ہیں ۔ ٹریفک کے مسائل پیدا ہوتے ہیں ۔ سیوریج لائنوں پر دباوٴ پڑتا ہے ۔ ماحولیاتی مسائل بھی پیدا ہوتے ہیں ۔(جاری ہے)
حکومت غیر قانونی بلند عمارتوں کی تعمیر کی تحقیقات کرائے ۔ ایم کیو ایم کے سید خالد احمد نے کہاکہ بلند عمارتوں کے لیے انفرا سٹرکچر نہیں ہوتا ۔
یوٹیلٹی اداروں کے این او سیز کے بغیر بلند عمارتوں کی تعمیر کی اجازت دی جاتی ہے ۔ شہر میں ماس ٹرانزٹ سسٹم نہیں ہے ۔ بلند عمارتوں کی تعمیر کو فوراً روکا جائے اور ان کے خلاف کارروائی کی جائے ۔ ایم کیو ایم کے جمال احمد نے کہاکہ اب یوں محسوس ہوتا ہے کہ اب مکانات نہیں رہیں گے بلکہ بلند عمارتیں ہوں گی ۔ انہیں واٹر بورڈ الے پانی کے غیر قانونی کنکشن دیتے ہیں ۔ ان عمارتوں کی غیر قانونی تعمیر بند ہونی چاہئے ۔ وزیر پارلیمانی امور ڈاکٹر سکندر میندھرو نے کہا کہ کراچی گنجان آباد شہر ہے ۔ اگر ہم شہر کو عمودی طور پر بڑھائیں تو شہر کی حدود بہت بڑھ جائیں گی ۔ بلند عمارتوں کی اس شہر کو ضرورت ہے ۔ غیر قانونی تعمیر نہیں ہونی چاہئے ۔مزید اہم خبریں
-
اسٹیبلیشمنٹ سے بات ہو گی تو صرف اس لیے کہ اسٹیبلیشمنٹ اپنے آئینی کردار سے باہر نہ نکلے
-
سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے
-
امریکہ کے بعد فرانسیسی یونیورسٹی میں بھی فلسطینیوں کی حمایت میں احتجاج
-
غزہ میں امداد پہنچانے کے لیے برطانوی فوج خدمات فراہم کر سکتی ہے، رپورٹ
-
سعودی عرب میں اکنامک سمٹ، اسرائیل حماس جنگ روکنے کی ایک اور کوشش؟
-
مرغی کے گوشت کی قیمت میں 200 روپے تک کمی کا امکان
-
پاکستان نیوزی لینڈ کرکٹ سیریز، پولیس کا گیمبلنگ میں ملوث عناصر کیخلاف کریک ڈاؤن
-
پی ٹی آئی اور سنی اتحاد کونسل فوج کو سیاست میں مداخلت کی دعوت دے رہے ہیں
-
عاصمہ جہانگیر کانفرنس میں جرمن سفیر کی تقریر کے دوران طالب علموں کے فلسطین کی آزادی کے حق میں نعرے
-
عمران خان کو کھلی عدالتوں میں ٹرائل کا موقع دینے کی بجائے جیل ٹرائل میں سختی کردی گئی
-
چیف جسٹس اگر انصاف فراہم نہیں کرسکتے تو کرسی سے اتر جائیں، پی ٹی آئی کا مطالبہ
-
مسجد کے باہرسے چوری ، وزیراعلیٰ مریم نوازکے حکم پر بزرگ شہری کو نئی سائیکل دلوا دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.