آصف علی زرداری کی خصوصی ہدایت پر راولپنڈی سے آئی سپیشلسٹ ڈاکٹروں ، پیرا میڈیکل سٹاف ، ادویات اور ایمبولینس پر مبنی خصوصی موبائل یونٹ کا بنوں میں آئی ڈی پی کیمپ کا خصوصی دورہ
جمعہ 27 مارچ 2015 17:01
راولپنڈی ( اُردو پوائنٹ اخبار تازہ ترین۔27مارچ۔2015ء) پاکستان پیپلز پارٹی کے شریک چئیرمین آصف علی زرداری کی خصوصی ہدایت پر راولپنڈی سے آئی سپیشلسٹ ڈاکٹروں ، پیرا میڈیکل سٹاف ، ادویات اور ایمبولینس پر مبنی خصوصی موبائل یونٹ نے بنوں میں آئی ڈی پی کیمپ کا خصوصی دورہ کیا اور بے گھر افراد کو آنکھوں کے معائینے اور علاج معالجے کے علاوہ انہیں آپریشن کی تاریخیں دیں اورضرورت مند افراد کو عینکیں فراہم کیں ․ یہ موبائل یونٹ راولپنڈی سے سابق ایم ڈی بیت المال زمرد خان اور پی پی پی پنجاب کونسل کے رکن حاجی محمد گلزار اعوان کی قیادت میں بنوں پہنچا ․ خصوصی آئی کیمپ کے دوران پاکستان پیپلز پارٹی کے مقامی ایم پی اے فخر اعظم ، ضلعی صدر پی پی پی شکیل خان اور دیگر راہنماء و کارکن بھی موجود تھے ․ زمرد خان اور حاجی محمد گلزار اعوان کی نگرانی میں ڈاکٹروں کی ٹیم نے بنوں آئی ڈی پی کیمپ میں مقیم بے گھر خواتین ، بچوں اور مرد حضرات کی آنکھوں کی تفصیلی معائینہ کیا اور انہیں مفت ادویات دی گئیں ․ جن افراد کو آپریشن کی ضرورت تھی انہیں آپریشن کی تاریخیں دی گئیں جبکہ متعدد ضرورتمندوں کو مفت عینکیں بھی فراہم کی گئیں ․ اس موقع پر زمرد خان اور حاجی محمد گلزار اعوان نے بات چیت کرتے ہوئے کہا کہ یہ خصوصی کیمپ پاکستان پیپلز پارٹی کے شریک چئیرمین آصف علی زرداری کی ہدایت پر لگایا گیا ہے اور آئی ڈی پیز کو صحت کی سہولیات ایک تسلسل کے ساتھ فراہم کی جاتی رہیں گی ․ انہوں نے کہا کہ دہشت گردی کے خلاف جنگ میں بے گھر ہونے والے افراد ہمارے بھائی ہیں جنہیں پاکستان پیپلز پارٹی مشکل کی گھڑی میں اکیلا نہیں چھوڑے گی ․ حاجی محمد گلزار اعوان نے کہا کہ یہ فری آئی کیمپ اس بات کا ثبوت ہے کہ پی پی پی کے شریک چئیرمین آصف علی زرداری اپنے آئی ڈی پیز سے گہری وابستگی رکھتے ہیں ․ اس سے قبل بڑی موبائل آئی ہیلتھ یونٹ کی ایمبولینس ، جو پاکستان پیپلز پارٹی کا موبائل پرچم بنی ہوئی تھی ، جب بنوں کی حدود میں داخل ہوئی تو راستے میں جگہ جگہ اس کا پرتپاک استقبال کیا گیا ․ یہ یونٹ آئی ڈی پی کیمپ تک پہنچتے پہنچتے ایک جلوس کی شکل اختیار کر گیا تھا ۔
متعلقہ عنوان :
مزید اہم خبریں
-
لاہور میں فوڈ رائیڈر جلد ڈیلیوری کے چکر میں 28 ای چالان کروا بیٹھا
-
کسانوں نے گندم کی خریداری میں تاخیر پر احتجاج کا دائرہ کار بڑھا دیا
-
ججز خط کیس؛ عدلیہ میں مبینہ مداخلت پر حکومت اور ایجنسیوں سے تفصیلی جواب طلب
-
امریکہ نے سعودی عرب کے ساتھ دفاعی معاہدے کو اسرائیل کے ساتھ تعلقات سے مشروط کردیا
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے بعد وطن واپس روانہ
-
ہمیں ایک ہائی سکیورٹی رسک ملک و قوم کا منفی تاثر زائل کرنا ہوگا، احسن اقبال
-
پاکستان تحریک انصاف کے انٹرا پارٹی الیکشن پر اعتراض ‘الیکشن کمیشن نے اعتراضات پر جواب جمع کروانے کی ہدایت کردی
-
ویوو Y100 کی برانڈ ایمبیسیڈر کے طور پر دُرفشاں سلیم کو متعارف کردیا گیا
-
امریکہ: فائرنگ میں تین پولیس افسران ہلاک، پانچ زخمی
-
غزہ: فائر بندی اور یرغمالیوں کی رہائی کے لیے مذاکرات
-
خیبرپختونخوا میں ’پاکستان ڈیجیٹل سٹی‘ کے قیام کے معاہدے پر دستخط
-
اگر میرے کام میں مداخلت ہو اور میں روک نہ سکوں تو مجھے گھر چلے جانا چاہیے.جسٹس قاضی فیض عیسی‘سب کو معلوم ہے کہ سچ کیا ہے لیکن بولنے کی ہمت کوئی نہیں کررہا.جسٹس اطہر من اللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.