تجاوزات کیخلاف آپریشن کیساتھ حکومتی اداروں میں موجود کالی بھیڑوں کیخلاف بھی کارروائی کی جائے،آل کراچی تاجر اتحاد کا مطالبہ
تجاوزات ،ٹریفک پولیس کی زیرِنگرانی موٹر سائیکل و کار لفٹنگ کی مد میں عوام سے ناجائز طور پر یومیہ 25کروڑ روپے ہتھیائے جارہے ہیں،عتیق میر
جمعہ 17 اپریل 2015 17:10
کراچی( اُردو پوائنٹ اخبار تازہ ترین۔ 17اپریل۔2015ء) آل کراچی تاجر اتحاد کے چیئرمین عتیق میر نے کراچی میں جاری انسدادِ تجاوزات آپریشن کو غیر مئوثر قرار دیتے ہوئے حکومت سے مطالبہ کیا ہے کہ تجاوزات کے خلاف آپریشن کے ساتھ ساتھ حکومتی اداروں میں موجود کالی بھیڑوں کے خلاف بھی کارروائی کی جائے، وسیع پیمانے پر سرپرستی کے باعث انسدادِ تجاوزات آپریشن کے خاطر خواہ نتائج سامنے نہیں آسکے، اہم علاقوں سے ختم کی گئیں تجاوزات دوبارہ قائم ہوگئی ہیں، جمعہ کو تجاوزات سے متاثرہ مختلف علاقوں کے دورے کے بعد انھوں نے پریس و میڈیا کو جاری کیئے گئے ایک بیان میں کہا کہ غیرقانونی چارجڈ پارکنگ، پتھارے، ٹھیلے، کیبن، قبضے و دیگر قسم کی تجاوزات اور ٹریفک پولیس کی زیرِنگرانی موٹر سائیکل و کار لفٹنگ کی مد میں عوام سے ناجائز طور پر یومیہ 25کروڑ روپے ہتھیائے جارہے ہیں، انھوں نے کہا کہ کراچی مافیاز کا شہر بن گیاہے، شہر میں ہونے والے ہر غلط اور ناجائز کام کے پسِ پُشت کوئی نہ کوئی طاقت موجود ہے، حکومتی اداروں میں ٹیکس کے بجائے رشوت فروغ پارہی ہے، شہر میں قانونی کاروبار زوال پذیر اور ناجائز آمدنی کی شرحِ ترقی میں اضافہ ہورہا ہے،قانونی اور جائز کاموں میں رکاوٹیں اور غیرقانونی کاموں کے راستے کھلے ہیں، حکومتی سرپرستی میں اصلاحات کا ہر عمل دکھاوے کیلئے کیا جارہا ہے، انھوں نے کہا کہ سپاہی کی جگہ چور تعینات ہونگے تو نظام کیسے چلے گا؟ انھوں نے شہر سے ہر قسم کی لاقانونیت کے خاتمے اور ترقیاتی کاموں کے فوری اجراء پر زور دیتے ہوئے کہا کہ شہر کے روشن مستقبل کا دارومدار امن و امان کی بحالی، تجاوزات کے خاتمے اور ٹریفک کی بہتری پر ہے، انھوں نے کہا کہ اب ضروری ہے کہ اہم علاقوں سے تجاوزات کے خاتمے کے بعد ان کی مستقل نگرانی کی جائے، انھوں نے تجاوزات کے خلاف مستقل بنیادوں پر بلا تفریق اور بلا تخصیص آپریشن کی بھرپور حمایت کرتے ہوئے حکومت اور انسدادِ تجاوزات کے اداروں کے سربراہان سے مطالبہ کیا کہ پتھارہ مافیا کے گھناؤنے کاروبار کا قلع قمع کیا جائے،پتھاروں کی سرپرستی کرنے والی سرکاری اداروں کی کالی بھیڑوں کو ملازمت سے فارغ کیا جائے، تجاوزات کے سرپرستوں کی گرفتاری عمل میں لاکر ان کے خلاف قانونی چارہ جوئی کی جائے، صدر، اولڈ سٹی ایریا، لیاقت آباد، برنس روڈ، جامع کلاتھ، نشتر روڈ، گارڈن اور جوبلی سمیت اہم کاروباری علاقوں میں ترجیحی بنیادوں پر سڑکوں سے رکاوٹیں ہٹائی جائیں جہاں کاروبار دکانوں کے بجائے فٹ پاتھوں اور سڑکوں پر ہورہا ہے، انھوں نے یہ مطالبہ بھی کیا کہ سڑکوں پر نکلی ہوئی ناجائز دکانیں، مکان اور دیگر تجاوزات فی الفور مسمار کی جائیں، انھوں نے تاجر برادری سے بھی اپیل کی کہ اپنا کاروبار اپنی جائز کاروباری حدود تک محدود کرلیں اور سڑکوں و فٹ پاتھوں پر قائم کی گئیں ناجائز تجاوزات از خود ختم کردیں، انھوں نے کہا کہ لاقانونیت کی حمایت کرنے والے نام نہاد تاجرنمائیندے تاجروں کی صفوں میں چھپے ہوئے چور اور ڈاکو ہیں جن سے ہم اعلانِ لاتعلقی کرتے ہیں۔
(جاری ہے)
مزید اہم خبریں
-
پاکستان: مارخور کے تحفظ کے عالمی دن پر علاقائی تعاون پر زور
-
وزیر اعظم کا متحدہ عرب امارات کا دورہ انتہائی کامیاب رہا ، جمام کمال
-
معیشت اور ایس آئی ایف سی ہماری لائف لائن اور ریڈ لائن ہیں، سیاسی شعبدہ باز محاذ آرائی میں آگے نکل چکے ہیں، ان سے پاکستان کی ترقی اور معاشی استحکام ہضم نہیں ہو رہا، عطاء اللہ تارڑ
-
کل رات کو ہم سب نے دیکھا کہ فرسودہ نظام کے بلڈوزر آئے،بیرسٹرگوہر
-
عامر لیاقت کے قتل کیس کا مقدمہ درج کرنے سے متعلق ماتحت عدالت کے فیصلے کے خلاف درخواست پر ایس ایچ او سے جواب طلب
-
وزیر مملکت برائے آئی ٹی شزہ فاطمہ کی زیرصدارت یو ایس ایف، اگنائٹ کی پالیسی کمیٹیوں کے علیحدہ علیحدہ اجلاس
-
سی ڈی اے نے نوٹسز جاری کرنے کے بعد انسداد تجاوزات کی کارروائی کی،اعظم نذیر تارڑ
-
ملک کو ڈیفالٹ سے بچانے میں وزیر اعظم، ایس آئی ایف سی، آرمی چیف کی مشترکہ کاوشیں شامل ہیں، عطا تارڑ
-
مار خور ہمارے بھرپور قدرتی ورثے کی علامت ہے،وزیر اعظم شہباز شریف کا مارخور کے پہلے عالمی دن کے موقع پر پیغام
-
پاکستان کوجاری مالی سال کے پہلے 10 ماہ میں مجموعی طور پر 7.142 ارب ڈالر کے غیرملکی قرضے و گرانٹس موصول
-
حکومت پنجاب کی ہدایت پر نان ،وروٹی کی نئی قیمتوں کا سرکاری نرخ نامہ جاری،100 گرام روٹی14 روپے نان20 روپے میں فروخت ہوں گے،ڈپٹی کمشنر ننکانہ
-
وزیر اعظم شہباز شریف کا متحدہ عرب امارات کا دورہ انتہائی کامیاب رہا ، بیرونی کمپنیوں کی پاکستان میں سرمایہ کاری کی حوصلہ افزائی کی جا رہی ہے ، جام کمال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.