ملک کے4 بڑے شہروں میں دہشتگردی کے متعدد منصوبے ناکام ،25 مبینہ دہشتگرد گرفتار،اسلحہ اور گولہ بارود برآمد
جمعہ 21 اگست 2015 21:13
اسلام آباد/ پشاور/ لاہور/کراچی (اُردو پوائنٹ اخبار تازہ ترین۔ 21 اگست۔2015ء ) قانون نافذکرنے والے اداروں نے ملک کے 4بڑے شہروں میں مشترکہ کاروائیاں کرتے ہوئے دہشتگردی کے بڑے منصوبے ناکام بنادیئے اور 25 مبینہ دہشتگردوں کو گرفتار کرلیا گیا جن کے قبضے سے بھاری مقدار میں اسلحہ اور گولہ بارود بھی برآمد ہوا ہے ۔جمعہ کو اسلام آباد ،لاہور،کراچی اور پشاور میں قانون نافذ کرنے والے اداروں نے مشترکہ کاروائیاں کرتے ہوئے دہشتگردی کے بڑے منصوبوں کو ناکام بنادیا۔
وفاقی دارالحکومت کے سیکٹر ایف ایٹ میں محکمہ انسداد دہشت گردی پنجاب اور رینجرز نے مدرسے میں مشترکہ کارروائی کرتے ہوئے سانحہ اٹک میں ملوث 3دہشت گردوں کو گرفتار کرلیا۔ گرفتار ملزمان میں قاری امداد،قاری ارشاداور شوکت شامل ہیں جو کہ راولپنڈی کینٹ کے علاقے ڈھوک چوہدریاں کے رہائشی ہیں۔(جاری ہے)
کارروائی میں رینجرز اہلکاروں نے بھی حصہ لیا۔گرفتار دہشت گردوں کومزید تحقیقات کیلئے نامعلوم مقام پر منتقل کر دیاگیا۔
ابتدائی تحقیقات کے مطابق انتہائی مطلوب دہشتگرد مطیع الرحمان بھی حملے میں ملوث ہے ۔مطیع الرحمان 2003 میں پرویز مشرف پرقاتلانہ حملے میں بھی مطلوب ہے ۔ملزم سابق وزیراعظم شوکت عزیز اور کراچی میں شیرٹن ہوٹل پر خودکش حملے میں بھی مطلوب ہے لاہور میں چنگی دیگج انڈرپاس رنگ روڈ کے علاقے سے ایک مشتبہ دہشتگرد کو گرفتار کرلیا گیا جس کے قبضے سے دھماکہ خیز مواد بھی برآمد ہوا ہے جو دہشتگردی کی کاروائی کیلئے استعمال کیا جانا تھا۔بم ڈسپوزل اسکوڈ کا عملہ موقع پر پہنچ گیا اور دھماکہ خیز مواد کو ناکارہ بنادیا گیا جبکہ مشتبہ دہشتگرد کو تفتیش کیلئے نامعلوم مقام پر منتقل کردیا گیا ۔کراچی کے علاقے ناظم آباد کی چاؤلہ مارکیٹ میں کھڑی گاڑی سے کلاشنکوف کی 9ہزار سے زائد گولیاں ملی ہیں۔ڈی آئی جی ویسٹ کے مطابق اہل علاقہ کی اطلاع پر 10روز سے کھڑی گاڑی کی تلاشی بم ڈسپوزل اسکواڈ نے لی،جس سے گولیوں کے 24ڈبے برآمد ہوئے ہیں،پولیس کار کے مالک کو تلاش کررہی ہے۔ایس پی لیاقت آباد کے مطابق گاڑی کی نمبر پلیٹ جعلی ہے،اس حوالے سے مزید تفتیش کررہے ہیں۔ذرائع کے مطابق رینجرز اہلکاروں نے گاڑی سے برآمد ہونے والی گولیاں تحویل میں لے لی ہیں۔پشاور میں سپیشل پولیس یونٹ نے کاروائی کرتے ہوئے حاجی کیمپ کے علاقے سے دہشتگرد عبدالوحید کو گرفتارکرلیا جس کے قبضے سے ایک ریمورٹ کنٹرول بم برآمد ہوا ہے جو ایک واٹر کولر میں نصب کیا گیا تھا۔بم ڈسپوزل اسکواڈ کے عملے نے موقع پر پہنچ کر بم ناکارہ بنادیا ۔گرفتار دہشتگرد کا تعلق ایک انٹرنیشنل دہشتگرد تنظیم سے ہے ۔ملزم قانون نافذ کرنے والے اداروں کو چھ دہشتگرد حملوں اور 42 افرادکو قتل کرنے کی وارداتوں میں مطلوب ہے ۔گرفتار دہشتگرد کو تفتیش کے لیے نامعلوم مقام پر منتقل کردیا گیا ۔متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.