روپے کو دس فیصد کمزور کرنے کی تجویز غریب دشمنی ہے، شاہد رشید بٹ
درآمدات 22.5 فیصدمہنگی، معیشت کی ڈالرئیزیشن کا عمل تیز ہو جائیگا،وزیر خزانہ نے انتھک کوششیں کر کے روپے کو استحکام بخشا، غیر مستحکم نہیں کیا جا سکتا، صدر اسلام آباد چیمبر آف سمال ٹریڈرز
جمعہ 4 ستمبر 2015 18:21
اسلام آباد (اُردو پوائنٹ اخبار تازہ ترین۔ 04 ستمبر۔2015ء) اسلام آباد چیمبر آف سمال ٹریڈرز کے سرپرست شاہد رشید بٹ نے کہا ہے کہ ٹی ڈی اے پی کے سربراہ ایس ایم منیر کی برامدات بڑھانے کیلئے روپے کو دس فیصد کمزور کرنے کی تجویز غریبوں اور ملک سے دشمنی ہے۔ امراء کے کلب کی نمائندگی کرنے والے کسی اور کے ایجنڈے پر کام کر رہے ہیں اسلئے انھیں انکے عہدے سے فوری برخاست کر کے تحقیقات کروائی جائیں۔
کالی بھیڑوں نے برامدات کو تباہ کرنے کے بعد معیشت کو برباد کرنے کی منصوبہ بندی کر لی ہے جسے ناکام بنایا جائے گا۔ وزیر اعظم نواز شریف کی ہدایت پر وزیر خزانہ اسحاق ڈار نے انتھک کوششیں کر کے روپے کو استحکام بخشا جسے غیر مستحکم کرنے کیلئے سازشوں کی اجازت دی جا سکتی نہ انکی محنت پر پانی پھیرا جا سکتا ہے۔(جاری ہے)
شاہد رشید بٹ نے تاجروں کی ہنگامی میٹنگ سے خطاب کرتے ہوئے کہا کہ کمزور کرنسی کرنے سے جہاں برامدات میں کچھ اضافہ ہو گا وہیں درامدات 22.5 فیصدمہنگی ہو جائینگی جس سے افراط زر اور بجٹ خسارہ مزید بڑھ جائے گا۔
پاکستان کی درامدات برامدات سے کہیں زیادہ ہیں اسلئے اس میں فائدہ ایکسپورٹرز کا اور نقصان بیس کروڑ عوام کا ہو گا۔ کرنسی کے عدم استحکام سے دنیا میں منفی پیغام جائے گا جس سے بیرونی سرمایہ کاری متاثر ہو گی جو پہلے ہی بہت کم ہے جبکہ معیشت کی ڈالرئیزیشن کا عمل تیز ہو جائے گا ۔ایسے موقع پر جب پاکستان کے لاکھوں تاجروں نے بینک ٹرانزیکشنز پر ٹیکس کے خلاف احتجاج کرتے ہوئے بینکوں کو بائی پاس کرتے ہوئے ڈالروں میں لین دین شروع کر دیا ہے اس تجویز کو حماقت کے علاوہ کوئی دوسرا نام نہیں دیا جا سکتا کیونکہ اس سے قرضے اور سود بڑھنے کے علاوہ چین کی جانب سے کی جانے والی ریکارڈ سرمایہ کاری پر بھی اثر پڑے گا۔ بعض ممالک نے اپنی کرنسی کی قدر کم کی ہے جبکہ کئی نے برقرار رکھی ہے تاہم پاکستان اس دوڑ میں سوچے سمجھے بغیر شامل نہ ہو کیونکہ ہماری معیشت 1997-98 کے عالمی کرنسی بحران کی تاریخ دہرانے کے تجربے کی متحمل نہیں ہو سکتی۔متعلقہ عنوان :
مزید تجارتی خبریں
-
پاکستان میں موبائل فون کی درآمد میں بڑا اضافہ ہوگیا
-
سونے کی قیمتوں میں کمی کا رجحان
-
پاکستان اسٹاک مارکیٹ ملکی تاریخ میں پہلی بار73ہزار پوائنٹس کی حد عبور کرنے کے بعد مندی کا شکار ہو گئی اور انڈیکس 72ہزار پوائنٹس کی سطح سے نیچے گر گیا جبکہ 100انڈیکس میں 1ہزار پوائنٹس سے زاید کی کمی دیکھنے ..
-
انٹر بینک میں روپے کے مقابلے ڈالر کی قدر گھٹ گئی جبکہ اوپن مارکیٹ میں ڈالر مہنگا
-
زری پالیسی کمیٹی کا پالیسی ریٹ 22 فیصد پربرقراررکھنے کا فیصلہ
-
غیر ملکی سرمایہ کاروں کو سرمایہ کاری کیلئے سازگار ماحول میسر ہے، صوبائی وزیر چوہدری شافع حسین کی آسٹریا کی سفیر سے گفتگو
-
عالمی اور مقامی مارکیٹ میں سونے کی قیمت میں معمولی کمی
-
ملک میں سیمنٹ کی ریٹیل قیمتوں میں ایک ہفتے کے دوران استحکام رہا
-
برائلر گوشت کی قیمت میں15روپے کلو اضافہ
-
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
-
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی پونڈ بھی مہنگا ہو گیا
-
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.