قدرتی آفات سے کم سے کم نقصانات کے لئے جدید انداز سے کام کرنے کی ضرورت ہے،کسی بھی ناگہانی آفت سے قیمتی جان ومال کے نقصان کو کم سے کم کرنے کیلئے پنجاب ڈیزاسٹر مینجمنٹ اتھارٹی کو جدید تقاضوں سے ہم آہنگ کیا گیاہے
کسی بھی نا گہانی اور قدرتی آفت سے نمٹنے کے لئے عوام میں آگاہی اور شعور بیدار کرنے کی ضرورت ہے ،پنجاب حکومت نے 2010 کے سیلاب اور اسکے بعد کی قدرتی آفات میں لوگوں کے جان ومال کے تحفظ کیلئے موثر اقدامات کئے،متاثرین کو فوری طورپر ریلیف کی فراہمی ممکن بنائی، متاثرین کی بحالی اور آبادکاری کے عمل کو بہترحکمت عملی سے طے کیا ،آفات سے آگاہی اور کم سے کم تباہی کی حکمت عملی پر پوری طرح عمل ہونا چاہیے وزیراعلیٰ پنجاب شہبازشریف کا قدرتی آفات سے قومی آگاہی کے دن کے موقع پر پیغام
بدھ 7 اکتوبر 2015 22:21
لاہور ( اُردو پوائنٹ اخبار تازہ ترین۔ 08 اکتوبر۔2015ء ) وزیراعلیٰ پنجاب محمد شہباز شریف نے کہاہے کہ قدرتی آفات سے کم سے کم نقصانات کے لئے جدید اندازسے کام کرنے کی ضرورت ہے تاکہ کسی بھی نا گہانی آفت سے قیمتی جان و مال کو زیادہ سے زیادہ سے بچایا جا سکے-پنجاب حکومت نے قدرتی آفات سے نمٹنے اور جان ومال کے نقصان کو کم سے کم کرنے کے لئے پنجاب ڈیزاسٹرمینجمنٹ اتھارٹی کو جدید تقاضوں سے ہم آہنگ کیا ہے اور اس ادارے کو پوری طرح فعال او رمتحرک بنایا گیاہے-وزیراعلیٰ پنجاب محمد شہبازشریف نے قدرتی آفات سے آگاہی کے قومی دن کے موقع پر اپنے پیغام میں کہاہے کہ اس امر کی ضرورت ہے کہ عوام کسی بھی ناگہانی اور قدرتی آفت سے نمٹنے کے لئے تیاری کے عمل میں رہیں تاکہ کم سے کم قیمتی جانی ومالی نقصان ہو، اس مقصد کے لئے عوام میں آگاہی اور شعور بیدار کرنے کی ضرورت ہے-انہوں نے کہاکہ عوام متعلقہ محکموں کے ہمراہ اسی وقت معاون کا ر ثابت ہوسکتے ہیں جب وہ ہر قسم کی صورتحال سے آگاہ ہوں اور قدرتی آفت سے نمٹنے کے لئے پوری طرح تیار ہوں-انہوں نے کہاکہ قوم کے بچوں میں بھی قدرتی آفات سے آگاہی کا شعور بیدار کرنے کی ضرورت ہے تاکہ وہ قدرتی آفات سے نمٹنے کے لئے ذہنی اور جسمانی طو رپر تیار ہوں- اعلیٰ تعلیمی اداروں میں او ریونیورسٹیوں میں بھی ڈیزاسٹرمینجمنٹ کے بارے میں ریسرچ کو فروغ دینا چاہیے-انہوں نے کہاکہ پنجاب حکومت نے 2010 کے سیلاب اور اس کے بعد آنے والی قدرتی آفات میں لوگوں کے جان ومال کے تحفظ کے لئے بروقت اقدامات کئے اور متاثرین کو فوری طورپر ریلیف کی فراہمی ممکن بنائی گئی-سیلاب کے دوران لوگوں کو محفوظ مقامات پر منتقل کرنے کے علاوہ انہیں ہر قسم کی اشیاء خوردونوش بھی فراہم کی گئیں او رسیلاب متاثرین کی بحالی اور آبادکاری کے عمل کو بہتر حکمت عملی کے ذریعے طے کیا گیا- آج کے دن کا پیغام یہی ہے کہ آفات سے آگاہی اور کم سے کم تباہی کی حکمت عملی پرپوری طرح عمل کیاجائے-
متعلقہ عنوان :
مزید اہم خبریں
-
ماہ ذی القعدہ کے چاند کی رویت کا اعلان
-
آپ محافظ ہیں مالک نہیں
-
مشرقی افریقہ میں غیر معمولی سیلابوں سے لاکھوں لوگ بے گھر
-
گوگل نے پاکستان میں مصنوعی ذہانت (AI) کی مہارت کو فروغ دینے کے لیے اپنی سپورٹ دگنی کردی
-
شعبہ صحت میں 145 ارب روپے کی لاگت سے 7 میگا پراجیکٹ زیر تکمیل ہیں: مریم اورنگزیب
-
سکیورٹی فورسز کے خیبرپختونخواہ میں دو الگ الگ آپریشن ، 6دہشتگرد مارے گئے
-
سیکرٹری داخلہ نے اسلام آباد ہائیکورٹ کے حکم کے مطابق عملدرآمد نہیں کیا،اہلیہ پرویز الہی
-
صدرمملکت آصف علی زرداری کوئٹہ کا 3 روزہ دورہ مکمل کرکے اسلام آباد واپس روانہ ہو گئے
-
وزیراعلٰی کا مری ہسپتال پراجیکٹ کو سابق دور میں 4 ارب روپے نقصان پہنچانے پر کارروائی کا فیصلہ
-
کمپٹیشن کمیشن آف پاکستان نے پی ٹی سی ایل کی جانب سے ٹیلی نار پاکستان کے حصول کے جائزے کے دوسرے مرحلے کا آغاز کر دیا
-
موبائل کمپنیاں پانچ لاکھ سمیں بلاک کرنے پر آمادہ، مہلت مانگ لی
-
رفح پر اسرائیلی حملوں کے خوف سے لوگ ’علاج معالجہ سے گریزاں‘
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.