بھارت کا جنگی جنون سر چڑھ کربولنے لگا‘مودی سرکار کا روس سے 39 کھرب کے جدید ترین میزائل سسٹمز خریدنے کا فیصلہ
5 جدید میزائل سسٹمز میں سے 3 کو پاکستانی سرحدوں کے قریب نصب کیا جائے گا، بھارتی میڈیا
جمعہ 18 دسمبر 2015 20:48
نئی دہلی(اُردو پوائنٹ اخبارتازہ ترین - آئی این پی۔18 دسمبر۔2015ء ) بھارت کا جنگی جنون سر چڑھ کربولنے لگا، بھارت نے 39 کھرب روپے کے روسی ساختہ 5عدد ایس 400 ٹرمف ایئر میزائل ڈیفنس سسٹمز خریدنے کا فیصلہ کرلیا۔بھارتی میڈیا کے مطابق بھارت نے روس سے 39 کھرب روپے کے جدید ترین میزائل سسٹمز خریدنے کا فیصلہ کیا ہے ۔ روسی ساختہ یہ میزائل 400 کلومیٹر کی حد میں آنے والے طیارے، اسٹیلتھ ہوائی جہاز، میزائل اور ڈرون کو نشانہ بنا کر تباہ کرنے کی صلاحیت رکھتے ہیں اور ان ان نظاموں کی خریداری کے لیے روس اور بھارت کے درمیان مذاکرات جاری ہیں۔
بھارتی دفاعی مبصرین نے میزائل سسٹمز کے حصول کو ’’گیم چینجر‘‘ قرار دیا ہے جب کہ اس کے علاوہ بھارت بہت جلد فرانس سے رافیل لڑاکا طیاروں کی خریداری کا معاہدہ بھی کرے گا جس کے تحت 5 ارب ڈالر کے فرانسیسی طیارے خریدے جائیں گے۔(جاری ہے)
روس کے ان جدید نظاموں کی باقاعدہ خریداری کے بعد ان کے حصول میں کئی برس لگ سکتے ہیں جن میں سے 3 نظاموں کو مغربی بھارتی سرحدوں ( پاکستان کے قریب) نصب کیا جائے گا جب کہ 2 مشرقی سمت ( چین) کے قریب لگائے جائیں گے۔
واضح رہے کہ چین نے بھی ایسے 6 سسٹمز خریدے ہیں جو 2017 میں چین پہنچنا شروع ہوجائیں گے جس پر 3 ارب ڈالر لاگت آئی ہے۔اس کے علاوہ بھارتی دفاعی کمیٹی نے اپنے ایئر ڈیفینس سسٹم کو مضبوط بنانے کے لیے اندھا دھند اسلحہ خریدنا شروع کردیا ہے جس کے لیے مزید 26 ہزار کروڑ کی رقم خرچ کی جائے گی جو میزائل سسٹم کے علاوہ ہے۔ اس میں 40 کلومیٹر رینج والے پناکا میزائل سسٹم بھی شامل ہیں تاہم مودی سرکار نے ایس 400 سسٹمز کو سب سے زیادہ اہمیت دی ہے۔ بھارت نے اس سے قبل روس سے ایک ارب ڈالر کا معاہدہ بھی کیا ہے جس کے تحت کیمو کے اے 266 ٹی ہیلی کاپٹر اپنے ملک میں تیار کرے گا جو ’’میک ان انڈیا‘‘ پالیسی کے تحت تیار کیے جائیں گے۔مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.