سانحہ چارسدہ یونیورسٹی تحقیقاتی کمیٹی نے وائس چانسلر اور سیکیورٹی انچارج کو غفلت کامرتکب قرار دیدیا، ہٹانے کی سفارش
یونیورسٹی میں حملے کے وقت سیکیورٹی کے خاطر خواہ انتظامات نہیں تھے،ڈیوٹی پر مامور 19میں سے 8سیکیورٹی گارڈزحملے کے وقت غائب تھے، باچا خان یونیورسٹی پر حملے کی تحقیقات کرنے والی کمیٹی کی رپورٹ میں انکشاف
ہفتہ 30 جنوری 2016 17:41
پشاور (اُردو پوائنٹ اخبارتازہ ترین - آئی این پی۔30 جنوری۔2016ء) سانحہ باچا خان یونیورسٹی کی تحقیقاتی کمیٹی نے رپورٹ میں یونیورسٹی حملے میں وائس چانسلر فضل رحیم مروت اور سیکیورٹی انچارج اشفاق احمد کو غفلت کامرتکب قرار دیتے ہوئے ہٹانے کی سفارش کردی،رپورٹ میں کہاگیا کہ یونیورسٹی میں حملے کے وقت سیکیورٹی کے خاطر خواہ انتظامات نہیں تھے،19سیکیورٹی گارڈز کی ڈیوٹی تھی ،اس وقت 8سیکیورٹی گارڈز غائب تھے۔
ہفتہ کوباچا خان یونیورسٹی سانحہ کی تحقیقات کیلئے کمشنر پشاور کی سربراہی میں قائم کی گئی تحقیقاتی کمیٹی نے سانحہ سے متعلق اپنی تحقیقاتی رپورٹ مکمل کرلی جو ایپکس کمیٹی کو پیش کی جائے گی ۔ رپورٹ میں وائس چانسلر یونیورسٹی اور سیکیورٹی انچارج کو غفلت کا مرتکب قرار دیتے ہوئے انہیں عہدوں سے ہٹانے کی سفارش کی گئی ہے۔(جاری ہے)
رپورٹ میں کہا گیا کہ یونیورسٹی انتظامیہ نے باچا خان کی برسی کے حوالے سے تقریب کے حوالے سے بھی ضلعی انتظامیہ کو آگاہ نہیں کیا تھا۔
رپورٹ کے مطابق ایپکس کمیٹی کی جانب سے قائم تحقیقاتی کمیٹی میں کمشنر پشاور ، ریجنل پولیس آفیسر اور ہائر ایجوکیشن کے سپیشل سیکرٹری کو شامل کیا گیا تھا۔ رپورٹ کے مطابق حملے کے وقت سیکیورٹی کے خاطر خواہ انتظامات نہیں تھے، وائس چانسلر نے سیکیورٹی کی ذمہ داری ایک پی ایچ ڈی پروفیسر کے ذمے کی ہوئی تھی،یونیورسٹی میں 19سیکیورٹی گارڈز کی ڈیوٹی تھی جن میں سے 4غائب تھے اور حملے کے وقت 8سیکیورٹی گارڈز بھی غائب تھے ۔رپورٹ میں بتایا گیا کہ حملے کے وقت سیکیوٹی گارڈز کے پاس 41ہتھیار تھے جن میں 5کلاشنکوفیں، 6بندوقیں اور 30شاٹ گن شامل ہیں۔ رپورٹ میں کہا گیا کہ کمیٹی نے وائس چانسلر فضل رحیم مروت اور سیکیورٹی انچارج اشفاق احمد کو غفلت کامرتکب قرار دیتے ہوئے ہٹانے کی سفارش کی ہے۔ کمیٹی کی جانب سے سابق سیکیورٹی اہلکاروں کو یومیہ اجرت یا تنخواہ پر سیکیورٹی گارڈز کے طور پر بھرتی کرنے کی بھی سفارش کی گئی۔کمیٹی نے یونیورسٹی میں سی سی ٹی وی کیمرے نصب کرنے اور کنٹرول روم قائم کرنے کی بھی سفارش کی ہے۔متعلقہ عنوان :
مزید اہم خبریں
-
چیف جسٹس قاضی فائزعیسیٰ کی مزارقائد پرحاضری ، فاتحہ خوانی ،تاثرات قلمبند کئے
-
چیف جسٹس کی سربراہی میں 3 رکنی بینچ نے 5 دن میں 46 کیسز نمٹا دیے
-
اسٹیبلیشمنٹ سے بات ہو گی تو صرف اس لیے کہ اسٹیبلیشمنٹ اپنے آئینی کردار سے باہر نہ نکلے
-
سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے
-
امریکہ کے بعد فرانسیسی یونیورسٹی میں بھی فلسطینیوں کی حمایت میں احتجاج
-
غزہ میں امداد پہنچانے کے لیے برطانوی فوج خدمات فراہم کر سکتی ہے، رپورٹ
-
سعودی عرب میں اکنامک سمٹ، اسرائیل حماس جنگ روکنے کی ایک اور کوشش؟
-
مرغی کے گوشت کی قیمت میں 200 روپے تک کمی کا امکان
-
پاکستان نیوزی لینڈ کرکٹ سیریز، پولیس کا گیمبلنگ میں ملوث عناصر کیخلاف کریک ڈاؤن
-
پی ٹی آئی اور سنی اتحاد کونسل فوج کو سیاست میں مداخلت کی دعوت دے رہے ہیں
-
عاصمہ جہانگیر کانفرنس میں جرمن سفیر کی تقریر کے دوران طالب علموں کے فلسطین کی آزادی کے حق میں نعرے
-
عمران خان کو کھلی عدالتوں میں ٹرائل کا موقع دینے کی بجائے جیل ٹرائل میں سختی کردی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.