جماعت اسلامی کے ممبران پارلیمنٹ نے پنجاب حکومت کی طرف سے تعلیمی اداروں میں تبلیغی جماعت پر پابندی کیخلاف تحاریک التواء سینیٹ اورقومی اسمبلی میں جمع کرادیں
پیر 1 فروری 2016 18:08
اسلام آباد (اُردو پوائنٹ اخبارتازہ ترین - این این آئی۔یکم فروری۔2016ء) جماعت اسلامی پاکستان کے ممبران پارلیمنٹ نے پنجاب حکومت کی طرف سے تعلیمی اداروں میں تبلیغی جماعت پر پابندی کے خلاف تحاریک التواء سینیٹ اورقومی اسمبلی میں جمع کرادی ہیں۔سینیٹ میں تحریک التواء جماعت اسلامی پاکستان کے امیر اور سینیٹر سراج الحق نے جمع کرائی ہے جبکہ قومی اسمبلی میں صاحبزادہ طارق اﷲ، صاحبزادہ محمد یعقوب، شیر اکبر خان اورخاتون ممبر عائشہ سیدنے تحریک التواء جمع کرائی ہے۔
دونوں تحاریک التواء میں ایک ہی مؤقف اختیار کیا گیا ہے اور کہا گیا ہے مؤرخہ 30جنوری 2016الیکٹرانک و پرنٹ میڈیا کی رپورٹس کے مطابق ملک پاکستان کے بڑے صوبہ پنجاب نے تمام تعلیمی اداروں بشمول یونیورسٹیز اور کالجز میں تبلیغی جماعت پر پابندی لگا دی ہے۔(جاری ہے)
تحریک التواء میں مؤقف اختیار کیا گیا ہے کہ تبلیغی جماعت ایک مذہبی جماعت ہے اور اپنے پروگرام کے مطابق دنیا بھر میں دین اسلام کی تبلیغ میں مصروف ہیں۔
تبلیغی جماعت تعلیمی اداروں سمیت ملک اور دنیا بھر میں لوگو ں کو اﷲ پر کامل یقین اور اﷲ کے رسول حضرت محمد صلی اﷲ علیہ وسلم کی پیروی کرنے کی طرف بلاتی ہے۔ممبران نے مزید کہا ہے کہ حکومت نے تعلیمی اداروں میں ہر قسم کے فیشن شو،گانے بجانے کے پروگرامات پر پابندی لگانے ،اور مخلوط تعلیمی نظام کو ختم کرنے کی بجائے اسلام کی طرف بلانے والوں پر پابندیاں لگانا شروع کر دی ہیں جو کہ انتہائی غلط اور اسلامی معاشرتی زندگی کی طرف لوگوں کو روکنے کے مترادف ہے۔ممبران نے مذکورہ پابندی کی مذمت کرتے ہوئے کہا ہے کہ مذکورہ پابندی سرا سر ظلم اور برائی کی سپورٹ اور دین کی تبلیغ کی ترویج میں رکاوٹ کے مترادف اور مطالبہ کیا ہے کہ معمول کی کارروائی روک کر اس معاملہ کو سینیٹ اور قومی اسمبلی کے ایوانوں میں زیر بحث لایا جائے۔متعلقہ عنوان :
مزید اہم خبریں
-
عوام کیلئے مہنگائی کا ایک اور "تحفہ" بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
-
جب تک پنجاب حکومت گندم نہیں خریدے گی مسئلہ حل نہیں ہوسکتا
-
چیف جسٹس قاضی فائزعیسیٰ کی مزارقائد پرحاضری ، فاتحہ خوانی ،تاثرات قلمبند کئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.