پنجاب اسمبلی کا اجلاس:وزیرقانون وزیراعظم کے پروٹوکول میں مصروف ‘صرف2وزراءکی ایوان میں موجودگی پر اپوزیشن کا احتجاج
جتنی تاخیر سے اجلاس بلایا گیا ہے اس سے تو ہمیں تو اپنے ساتھیوں کی شکلیں بھولنے لگی ہیں۔ حکومتی جماعت کے رکن کا شکوہ
میاں محمد ندیم منگل 2 فروری 2016 20:05
لاہور(ا ردو پوائنٹ اخبارتازہ ترین-انٹرنیشنل پریس ایجنسی۔02فروری۔2016ء) وزیر قانون کی عدم موجودگی میں پنجاب اسمبلی ’ بیکار ‘سمجھی جانے لگی ہے ، منگل کو وزیر قانون رانا ثنا اللہ کی غیر موجودگی کے باعث آدھا ایجنڈا موخر کردیا گیا جس میں ارکان کی قراردادیں شامل تھیں۔ ان میں سے ایک ’قومی جذباتی ‘ قرارداد بھی شامل تھی جس میں پاکستان کی محبت کی وجہ سے بنگلہ دیش میں پھانسی دیکر شہید کیے جانے والے ملاعبدالقادر اور قمر الزمان کو نشانِ پاکستان ایورڈ دینے کی تجویز پیش کی گئی تھی۔
ایک قرارداد میں مساجد کے بجلی بلوں سے ٹیلی ویژن فیس ختم کرنے کا مطالبہ کیا گیا تھا۔ ایک قرارداد میں 16دسمبر کو پشاور کے آرمی سکول کے شہید بچوں سے منسوب کرتے ہوئے اسے بچوں کا قومی دن قراردینے کی تجویز کی گئی تھی اور ایک قررداد میں تعلیمی اداروں کا تحفظ یقینی بنانے کا مطالبہ کیا گیا تھا۔(جاری ہے)
اجلاس شروع ہونے سے پہلے اور اجلاس کے دوران ملا عبدالقوادر اور قمرالزمان کو نشان، پاکستان دینے کی قررداد پر زبر ست بحث کا امکان ظاہر کیا جارہا تھا کیونکہ یہ براہِ راست خارجہ امور اور قومی اسمبلی سے متعلق معاملہ تھا اور خیال تھا کہ اس پر ایوان میں خاص طور پر جماعت اسلامی اور مسلم لیگی ارکان سخت لفاظ بھی استعمال کریں گے لیکن وزیر قانون رانا ثنا اللہ ایوان کے بجائے وزیراعظم کے جلسے میں مصروف ہونے کے باعث ایجنڈا ہی موخر کردیا گیا۔
اجلاس کے دوران ایوان میں صوبائی وزراءملک آصف بھاءاور چودھری شفیق سوا گھنٹے تک ایوان میں رہے جن کے بعد وزیر خزانہ ایوان میں آگئیں تاہم کسی سوال کا جواب نہ دیا ، اپوزیشن نے ایوان میں وزراءکی کمی بڑی شدت سے محسوس کی۔ اس کا اظہار کرتے ہوئے اپوزیشن رکن سردار شہاب الدین نے سپیکر سے مطالبہ کیا کہ ایوان میں وزراءکی حاضری یقینی بنائی جائے جبکہ یہ اجلاس بھی تین ماہ کے بعد ہورہا ہے ، اسی طرح اجلاس تاخیر سے بلانے کا شکوہ حکومت رکن شیخ علاﺅالدین نے ذرا مختلف انداز سے کیا اور کہا کہ جتنی تاخیر سے اجلاس بلایا گیا ہے اس سے تو ہمیں تو اپنے ساتھیوں کی شکلیں بھولنے لگی ہیں۔ منگل کو اجلاس کے دوران وقفہ سوالات میں سوالوں کے جواب دیتے ہو ئے وزیر جنگلات آصف بھاءکو مشکلات کا سامنا رہا ، سپیکر نے بعض سولات موخر بھی کردیے۔ وزیر صنعت چودھری محمد شفق نے ایک سوال کے جوا ب میں بتایا ٹیوٹا کے زیر انتظام چلنے والے ا داروں میں ہنر مندوں کیلئے عربی اور چینی زبان سیکھنا لازم قراردیدیا گیا ہے۔ ایک سوال کے جواب میں انہوں نے تسلیم کیا کہ سود ایک لعنت ہے تاہم ریاستی ادارے طے شدہ قواعد و ضوابط پر چلنے کے پابند ہیں ، سود کی لعنت ختم کرنے کیلئے سب کو کام کرنے کی ضرورت ہے ، اگر کوئی رکن اس ضمن میں مسودہ قانون لائے گا تو میں اس کی حمایت کروں گا۔ اپوزیشن نے منگل کے روز بھی تیل کی قیمتوں میں کمی کیلئے آ ﺅٹ آف ٹرن قرارداد پیش کرنا چاہی لیکن وزیر قانون موجود نہ ہونے کی وجہ سے یہ معاملہ موخر کردیا گیا-´متعلقہ عنوان :
مزید اہم خبریں
-
پی ٹی اے کے بعد موبائل فون کمپنیوں نے بھی ایف بی آر کے حکم نامے کو مسترد کردیا
-
بلوچستان میں نے 11 ناراض اراکین اسمبلی کو پارلیمانی سیکرٹری مقرر کر دیاگیا
-
صدر مملکت آصف علی زرداری سے وزیر اعلی بلوچستان میر سرفراز بگٹی اور صوبائی وزرا کی کوئٹہ میں ملاقات
-
عدالتی معاملات میں مداخلت ‘ اسلام آباد ہائی کورٹ کے چھ ججوں کے خطوط پر ازخود نوٹس کی سماعت آج سپریم کورٹ میں ہو گی
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.