سی ڈی اے کی نا اہلی سیکٹر جی سکس ٹو کی گلی نمبر 35 میں 11 گھروں کا کمرشل استعمال تاحال جا ری
اتوار 7 فروری 2016 17:57
اسلام آباد (اُردو پوائنٹ اخبارتازہ ترین - آن لائن۔07 فروری۔2016ء) وفاقی ترقیاتی ادارہ(سی ڈی اے)کے شعبہ انفورسمنٹ اور بلڈنگ کنٹرول سیل کی سپریم کورٹ آف پاکستان کے واضح احکامات کے باوجود نااہلی کے باعث اسلام آبادکے سیکٹر جی سکس ٹو کی گلی نمبر 35 میں 11 گھروں کا کمرشل استعمال تاحال نہ روکا جا سکا ہے۔گلی نمبر 35 میں11 گھروں کیخلاف موصول ہونی والی شکایات کو سی ڈی اے کے شعبہ انفورسمنٹ اور بلڈنگ کنٹرول سیل نے ردی کی ٹوکری کی زینت بنا دیا ہے۔
تفصیلات کے مطابق اسلام آباد کے سیکٹر جی سکس ٹو کی گلی نمبر 35 کے مکان نمبر 1، مکان نمبر2، مکان نمبر6، مکان نمبر10، مکان نمبر12،مکان نمبر16، مکان نمبر19،مکان نمبر24، مکان نمبر26، مکان نمبر29 اور مکان نمبر 30 کو عرصہ دراز سے کمرشل استعمال کیا جا رہا ہے ۔(جاری ہے)
سی ڈی اے ذرائع کے مطابق شعبہ انفورسمنٹ کو ماہانہ لاکھوں روپے منتھلی دی جاتی ہے جس کے باعث آج تک ان گھروں کیخلاف آپریشن عمل میں نہیں لایا جا سکا ہے۔
ڈپٹی ڈائریکٹر بلڈگ کنٹرول سیل کے نوٹس کے بعد بھی فی الحال کوئی کارروائی عمل میں نہیں لائی گئی ہے جبکہ ان گھروں کا کمرشل استعمال تاحال جاری ہے۔اسلام آبادہولیڈین ہوٹل کے سامنے گلی نمبر 35 میں کُل 18 مکانات ہیں جس میں سے 7 کو بطور گیسٹ ہاوٴس جبکہ باقی میں ایڈورٹائزمنٹ ایجنسیز اور کئی قسم کے دفاتر موجود ہیں۔واضح رہے کہ سپریم کورٹ آف پاکستان کے واضح احکامات کے باوجود ان گھروں کیخلاف کوئی کارروائی نہیں کی گئی ہے جو کہ سی ڈی اے کی کارکردگی اور” رہائشی علاقوں کے کمرشل استعمال“ کی مد میں کئے گئے کئی گرینڈ آپریشنز پر سوالیہ نشان بن گیا ہے۔ایک طرف رہائشی علاقوں میں کئے جانے والے آپریشنز اور دوسری جانب مُٹھی گرم ہونے کے باعث آنکھیں بند کر لی ہیں۔آن لائن کے رابطہ کرنے پر ڈپٹی ڈائریکٹر بی سی ایس ون شفیق مروت نے بتایا کہ رہائشی علاقوں میں کمرشل سرگرمیوں کیخلاف پورے وفاق میں آپریشن جاری ہے، سیکٹر جی، آئی اور ایف کے آپریشنز کے بعد میلوڈی میں کارروائی عمل میں لائی جائے گی تاہم اگر میلوڈی مارکیٹ کے متعلقہ انسپکٹر کا کوئی ذاتی مفاد ہے تو اس حوالے کچھ نہیں کہ سکتا ہوں ۔متعلقہ عنوان :
مزید اہم خبریں
-
نائب وزیراعظم محمد اسحاق ڈارکی ورلڈ اکنامک فورم کے اجلاس کے موقع پر سعودی وزیر توانائی شہزادہ عبدالعزیز بن سلمان سے ملاقات
-
ضلع خیبر میں سکیورٹی فورسز کا آپریشن، 4 دہشتگرد مارے گئے
-
پنجاب میں عام تعطیل کا اعلان
-
گلگت بلتستان میں پن بجلی کی بے پناہ صلاحیت کو ترقی کیلئے استعمال کرنے کی ضرورت ہے، صدر مملکت آصف علی زرداری کی گلگت بلتستان کے گورنر اور وزیر اعلیٰ سے ملاقات میں گفتگو
-
وفاقی وزیرداخلہ محسن نقوی کا پاسپورٹ آفس کا دورہ ، شہریوں سے مسائل دریافت کئے
-
جلسہ کرنا پی ٹی آئی کا آئینی حق ہے، اسد قیصر کے مطالبے کی حمایت کرتا ہوں
-
غزہ میں جنگ بندی کے لیے سعودی عرب میں ملاقات
-
وزیردفاع خواجہ محمد آصف سے ترکیہ کی بری افواج کے کمانڈرجنرل سیلکوک بایراکتاراوغلو کی ملاقات
-
مرضی کے ریفری کیساتھ میچ کھیلنے والے مافیا کو رفیق تارڑ اور جسٹس قیوم جیسے ججز ہی بھاتے ہیں
-
اسٹیٹ بینک آف پاکستان یکم مئی کو یوم مزدورکے موقع پر بند رہے گا
-
پاکستان اور آسٹریا کے درمیان تجارت کے فروغ کیلئے عملی اقدامات کی ضرورت ہے‘چوہدری شافع حسین
-
گوادرسے قراقرم کی چوٹیوں تک موٹروے پولیس کو تعینات کیا جائے گا‘ عبد العلیم خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.