قائمہ کمیٹی اور وفاقی وزیر ریلوے کا نیب حکام کی بغیر تیاری اجلاس میں شرکت پر برہمی کا اظہار
اجلاس میں ڈی جی سطح کے نیب آفیسرکو آنا چاہئے ،ہم نے کبھی بھی کیس کو ختم کرنے کیلئے نیب پر دباؤ نہیں ڈالا،نیب والے غلط بیانی سے کام لے رہے ہیں،ہم پر الزام نہ لگایا جائے، نیب میں6سال سے کیس لٹکے ہوئے ہیں،نیب سے کسی بھی معاملے کی تحقیقات نہیں کرائیں گے ، سعد رفیق کا جارحانہ انداز میں قومی احتساب بیور وپر تحفظا ت کا اظہار
جمعہ 19 فروری 2016 21:53
اسلام آباد(اُردو پوائنٹ اخبارتازہ ترین۔19 فروری۔2016ء) وزیر اعظم کے بعد وفاقی وزیرریلوے نے بھی نیب حکام پر برہمی کا اظہارکیا جبکہ قومی اسمبلی کی قائمہ کمیٹی برائے ریلوے کے اجلاس میں کمیٹی نے نیب حکام کی بغیر معلومات کے آنے پر برہمی کا اظہار کیا،وزیر ریلوے خواجہ سعد رفیق نے بھی نیب پر برہمی کا اظہارکرتے ہوئے کہا کہ کمیٹی اجلاس میں ڈی جی سطح کے نیب آفیسرکو آنا چاہئے ہم نے کبھی بھی کیس کو ختم کرنے کیلئے نیب پر دباؤ نہیں ڈالا،نیب والے غلط بیانی سے کام لے رہے ہیں،ہم پر الزام نہ لگایا جائے۔
نیب حکام نے کہا کہ ہمیں ایک دن پہلے شام کو اطلاع دی گئی کہ اجلاس ہے،58 لوکو موٹیوزکا کیس ایف آئی اے کو بھیجا گیا ہے کمیٹی نے اس معاملے پر آئندہ اجلاس میں ایف آئی اے سے تفصیلات طلب کرلیں۔(جاری ہے)
خواجہ سعد رفیق نے کہا کہ نیب میں6سال سے کیس لٹکے ہوئے ہیں،نیب سے کسی بھی معاملے کی تحقیقات نہیں کرائیں گے کیونکہ نیب پر ہمارے تحفظات ہیں،قومی اسمبلی کی قائمہ کمیٹی برائے ریلوے کا اجلاس چیئرمین نوید قمر کی صدارت میں ہوا،اجلاس میں ریلوے انجنوں کی خرابی کے معاملات پر نیب حکام نے کمیٹی کو بریفنگ دی،نیب حکام نے کمیٹی کو بتایاکہ وزارت ہم پر کیس ختم کرنے کیلئے دباؤ ڈال رہی ہے جس پر وزیرریلوے خواجہ سعد رفیق نے کہا کہ ہم نے نیب پر کوئی دباؤ نہیں ڈالا،نیب غلط بیانی سے کام کررہاہے،ہمارے منہ پر جھوٹ بولاجارہاہے،یہاں جو نیب حکام آئے ہیں انہیں حقائق کا پتہ ہی نہیں ہے،کمیٹی میں ڈی جی سطح کے نیب حکام کوآناچاہئے۔
انہوں نے کمیٹی کو آگاہ کیا کہ چینی انجینئرز نے تسلیم کیا ہے کہ2ہزار ہارس پاور کے انجنوں کے ڈیزائن میں فالٹ تھا وہ تمام29انجنوں کے فریم تبدیل کریں گے،چینی انجینئرز کو جلد مرمت کی ہدایت کی ہے کیونکہ آپریشن متاثر ہورہے ہیں اورشکریہ ہے کہ انجن کی وارنٹی باقی تھی ورنہ کوئی ہاتھ نہ آتا،سستے انجن لئے گئے تھے اس لئے مسائل پیداہوئے،انجنوں کی خریداری کی تحقیقات کیلئے نیب کو خط لکھ دیاہے،نیب کی تحقیقات پر تحفظات ہیں،6سال سے نیب میں کیس لٹک رہے ہیں،ریلوے کااپنا ریسرچ اینڈ ڈویلپمنٹ کا محکمہ ہی نہیں،جب انجن خریدے گئے تب ریلوے میں کوئی ایسا ماہر موجود نہیں تھا جو انجن چیک کرتا۔ریلوے کو ہدایت کی ہے کہ اب امریکی اوراپوزیشن کمپنیوں سے انجن خریدے،ہم نے انجنوں کی درآمد کاپروفائل بڑھا دیاہے اس کی وجہ سے بہت سی چینی کمپنیاں حال ہی میں55انجنوں کی خریداری کے مقابلے سے باہر ہوگئیں ہیں،پچھلے ادوار میں بدعنوانی اورانجنون کی خرید میں بے ضابطگی پر کسی قسم کی محکمانہ تحقیقات نہیں کی گئیںمتعلقہ عنوان :
مزید اہم خبریں
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے لیے سعودی عرب روانہ
-
ہم سسٹم کے تابع ہوئے بغیر آگے نہیں بڑھ سکتے‘ جسٹس منصور علی شاہ
-
وزیراعظم شہباز شریف عالمی اقتصادی فورم کے خصوصی اجلاس میں شرکت کے لیے سعودی عرب روانہ
-
پاکستان میں موجود چینی شہریوں کی حفاظت ہماری قومی ذمہ داری ہے،پاک چین دوستی کو نقصان پہنچانے کی کوئی سازش کامیاب نہیں ہونے دیں گے، وفاقی وزیر
-
26 سال سے قتل کے مقدمے میں مطلوب اشتہاری ملزم ایئرپورٹ سے گرفتار
-
نرسنگ شعبہ کی بہتری کیلئے اصلاحات لانی ہوں گی،خواجہ سلمان رفیق
-
حکومت کسی صوبے میں گورنر راج نہیں لگانا چاہتی ،اگر علی گنڈا پور چڑھائی کی باتیں کریں گے تو مسائل ہوں گے،خواجہ سعد رفیق
-
وفاقی وزیرداخلہ نے اسلام آباد میں امن عامہ کو بہتر بنانے ، جرائم پیشہ گینگز کی سرکوبی کا محاذ سنبھال لیا
-
چیف جسٹس قاضی فائزعیسیٰ کی مزار قائد پر حاضری،فاتحہ خوانی کی اور قبر پر پھولوں کی چادر چڑھائی
-
یوکرین اور روس کے ایک دوسرے کے انرجی انفراسٹرکچرز پر حملے
-
خیبرپختونخوا: زیادہ تر خواتین امراض نسواں کے مسائل سے لاعلم
-
وزیر اعظم شہباز شریف عالمی اقتصاری فورم کے خصوصی اجلاس میں شرکت کے لیے سعودی عرب روانہ ہو گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.