ملک میں ہر کما ل کے پیچھے کسی نہ کسی کا کمال ضرور ہوتا ہے،مصطفی کمال نے جو کیا اسکے پیچھے کراچی آپریشن کے اثرات ہیں،کراچی میں ہونے والے خون کے ایک ایک قطرے کا حساب لیا جانا چاہئے ،ہر شخص کو آزادی ہے کہ وہ جس پارٹی میں رہنا چاہے وہ وہاں رہے اور جب اسے چھوڑنا چاہے تو چھوڑ دے
مسلم لیگ( ضیاء الحق )کے سر براہ رکن قومی اسمبلی اعجاز الحق کی میڈیا سے گفتگو
اتوار 13 مارچ 2016 17:03
حافظ آباد(اُردو پوائنٹ اخبارتازہ ترین - آئی این پی۔13 مارچ۔2016ء) مسلم لیگ( ضیاء الحق )کے سر براہ رکن قومی اسمبلی اعجاز الحق نے کہا ہے کہ ملک میں ہر کما ل کے پیچھے کسی نہ کسی کا کمال ضرور ہوتا ہے،مصطفی کمال نے جو کیا اسکے پیچھے کراچی آپریشن کے اثرات ہیں،کراچی میں ہونے والے خون کے ایک ایک قطرے کا حساب لیا جانا چاہئے ،ہر شخص کو آزادی ہے کہ وہ جس پارٹی میں رہنا چاہے وہ وہاں رہے اور جب اسے چھوڑنا چاہے تو چھوڑ دے ۔
سینئر صحافی عامر وسیم سندھو کی والدہ کے ایصال ثواب کیلئے دعا کے بعد میڈیا سے بات چیت کرتے ہوئے اعجاز الحق نے کہا کہ مصطفی کمال نے ایم کیو ایم اور اس کی قیادت پر جو الزامات لگائے ہیں ان کی ہر لحاظ سے تحقیقات کی جانی چاہیں اور اگر ان باتوں میں کوئی صداقت ہو اور الزامات ثابت ہوں تو پھر ذمہ داروں کو سزا بھی ملنی چاہئے ۔(جاری ہے)
انہو ں نے کہا کہ ماضی میں کراچی کے لوگ خوف زدہ تھے وہاں بھتہ خوری ، ٹارگٹ کلنگ عام تھی لیکن کراچی آپریشن کے بعد وہاں کے حالات تبدیل ہو چکے ہیں۔
انہوں نے کہا کہ ڈاکٹر عاصم اور عزیر بلوچ نے جو باتیں کیں ان کی بھی تحقیقات کی جائیں اور ان کی سر پرستی کرنے والوں کو پکڑا جائے۔انہوں نے کہا کہ سب کچھ برداشت کیا جا سکتا ہے لیکن ملک دشمنی برداشت نہیں کی جا سکتی ۔ماضی میں بھی پیپلز پارٹی سمیت دیگر جماعتیں حساس اداروں کی مشاورت کے بغیر کوئی کام نہیں کرتی تھیں۔ایک سوال کے جواب میں انہوں نے کہا کہ وزیر اعلیٰ پنجاب شہباز شریف اچھے ایڈ منسٹریٹرہیں انہیں خود کو احتساب کیلئے پیش کرنا چاہئے۔انہیں احتساب کرنے والے اداروں کو خود دعوت دینی چاہئے کہ وہ میٹرو بس پرو جیکٹ ،نندی پور اور اورنج ٹرین منصوبوں کا احتساب کریں۔نیب کو پارلیمنٹ سے بالا تر اور با اختیار ہونا چاہے اور کسی کو بھی مقدس گائے نہیں سمجھنا چاہے ۔نیب کسی کو گرفتار کرنے سے پہلے اس پر لگائے جانے والے الزامات کی مکمل تحقیقات کرے اور اگر الزامات ثابت ہوں تو پھر ہی اسے گرفتار کیا جائے اور پھر کسی کو بھی چھوڑنا نہیں چاہئے اور جس نے بھی کرپشن کی ہو اسے سزا ضرور ملنی چاہئے۔متعلقہ عنوان :
مزید قومی خبریں
-
اے ایس پی شہر بانو شادی کے بندھن میں بندھ گئیں‘ ویڈیو اور تصاویر وائرل
-
کسان بورڈ کے صدررشید منہالہ سمیت 4 کسانوں کو گرفتارکرلیا گیا‘ کسانوں کا دعویٰ
-
گورنرپنجاب بلیغ الرحمن کی سائرہ افضل تارڑکی رہائش گاہ جاکروالد کے انتقال پرتعزیت ، فاتحہ خوانی
-
پنجاب بھر میں 1291 ٹریفک حادثات میں 03 افراد جاں بحق، 1406زخمی ہوئے
-
سسرالیوں کے گھر فائرنگ کر کے ساس کو قتل کرنے والا ملزم 18 سال بعد گرفتار
-
ماں اور بچے کی صحت کو یقینی بنانے کیلئے تمام سٹیک ہولڈرز کو اہم کردار ادا کرنا ہوگا‘خواجہ سلمان رفیق
-
پہلے مرحلے میں 100 ، دوسرے میں 200 اور تیسرے پر 300تک یونٹ مفت مہیا کیے جائینگے‘ وزیرخزانہ پنجاب
-
شادی کی عمر کے حوالے سے بل پرکمیٹی تشکیل پائے گی
-
رٹیفیشل انٹیلی جنس کا دور ہے، و ہی آگے جائے گا جو محنت اور غوروفکر کو اپنا شعار بنائے گا‘احسن اقبال
-
پارلیمنٹ کا استحکام چاہتے ہیں ،گندم کے کاشتکاروں کوا کیلا نہیں چھوڑیں گے، اسد قیصر
-
کالاش قبیلے کا سالانہ تہوارچلم جوش 13 سے 17 مئی تک منایا جائے گا
-
مفادات کے اسیر لوگ پاکستان کو کچھ نہیں دے سکتے،حافظ نعیم الرحمن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.