سٹی ڈسٹرکٹ گورنمنٹ کی ڈسپنسریوں کو ٹیچنگ ہسپتالوں کے فلٹر کلینکس کا درجہ دینے کا فیصلہ
ٹیچنگ ہسپتالوں کے کیچ منٹ ایریا میں واقع ڈسپنسریوں کو متعلقہ ہسپتال کے ساتھ منسلک کیا جائیگا
ہفتہ 19 مارچ 2016 18:24
لاہور(اُردو پوائنٹ اخبارتازہ ترین - آن لائن۔19 مارچ۔2016ء ) سٹی ڈسٹرکٹ گورنمنٹ کے زیر انتظام چلنے والی ڈسپنسریوں کو ٹیچنگ ہسپتالوں کے فلٹر کلینکس کا درجہ دینے کا فیصلہ کر لیا گیاہے اس اقدام سے بڑے ہسپتالوں کے آؤٹ ڈور کے علاوہ وارڈوں میں مریضوں کا رش اور ورک لوڈ کم کرنے میں مدد ملے گی جس سے ہسپتالوں کی کارکردگی میں اضافہ ہوگا - اس سلسلہ میں ہفتہ کے روز سیکرٹری سپیشلائزڈ ہیلتھ کیئر اینڈ میڈیکل ایجوکیشن نجم احمد شاہ کی زیر صدارت سول سیکرٹریٹ میں اجلاس منعقد ہوا جس میں پرنسپل علامہ اقبال میڈیکل کالج /جناح ہسپتال پروفیسر ڈاکٹر محمود شوکت، ایڈیشنل سیکرٹری ڈویلپمنٹ ملک ظہیر عباس، چیف پلاننگ آفیسرعبدالحق بھٹی، ای ڈی او ہیلتھ لاہور ڈاکٹر ذوالفقار علی، ڈسٹرکٹ آفیسر ہیلتھ ڈاکٹر محمد سعید اوردیگر افسران نے شرکت کی-سیکرٹری ہیلتھ نجم احمد شاہ نے کہاکہ ضلعی حکومت کے ماتحت شہر میں چلنے والی ڈسپنسریز کو بڑے ہسپتالوں کے ساتھ منسلک کرنے سے معمولی نوعیت کی بیماریوں کے علاج کی بہتر سہولیات مقامی سطح پر دستیاب ہوں گی مزید برآں مریضوں کو عام بیماریوں کے لئے ٹیچنگ ہسپتالوں کا رخ نہیں کرنا پڑے گا جس سے مذکورہ ہسپتالوں کے آؤٹ ڈور میں مریضوں کا رش کم ہوگا-انہوں نے کہاکہ جس علاقے میں ٹیچنگ ہسپتال واقع ہوگا اسی علاقے کے ٹاؤن میں واقع ڈسپنسریز کو ہسپتال کے ساتھ بطور فلٹر کلینک منسلک کیا جائے گاجہاں علاج معالجہ کی معیاری سہولیات اور کنسلٹنٹ کی خدمات فراہم کی جائیں گی اورجن مریضوں کو مزید تشخیص و علا ج کے لئے ہسپتال ریفر کرنے کی ضرورت ہوگی اسے متعلقہ ہسپتال میں ریفر کیا جائے گا-اجلاس کو بتایاگیا کہ ابتدائی طورپر جناح ہسپتال کے ساتھ اس کے کیچمنٹ ایریا میں واقع ڈسپنسریز کومتعلقہ ہسپتال کے ساتھ منسلک کرنے کے انتظامات کئے جارہے ہیں اس سلسلہ میں ای ڈی او ہیلتھ لاہور اور جناح ہسپتال کی انتظامیہ کے درمیان معاملات کو تحریری طو رپر باقاعدہ شکل دی جائے گی جس کے انتظامات مکمل کر لئے گئے ہیں -اس اقدام سے مریضوں کو قطار وں میں لگنے اور باری کے انتظار کی کوفت سے نجات مل جائے گی نیز بڑے ہسپتالوں میں مریضوں کا علاج معالجہ اور دیکھ بھال زیادہ بہتر طریقہ پر ہوگی- سیکرٹری ہیلتھ نجم احمد شاہ نے کہاکہ تمام اقدامات کا مقصد مریضوں کو بہتر سے بہتر طبی سہولیات کی فراہمی یقینی بنانا ہے-(
متعلقہ عنوان :
مزید اہم خبریں
-
بہاولپور، فائرنگ کے تبادلہ میں زیر حراست 2 دہشتگرداپنے ساتھیوں کی فائرنگ سے ہلاک
-
تونسہ شریف میں پولیس چیک پوسٹ پر دہشتگردوں کا حملہ، 7 اہلکار زخمی
-
علاقائی سلامتی کو درپیش خطرات سے نمٹنا امریکہ اور پاکستان کے مشترکہ مفاد میں ہے.امریکی محکمہ خارجہ
-
سائفر کیس میں اہم پیش رفت:ایف آئی اے ثابت کرنے میں ناکام ہوگیا ہے کہ خفیہ کیبلز یا سائفر عمران خان کے قبضے میں تھا .اسلام آباد ہائی کورٹ
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.