مسلم لیگ (ن) لوڈ شیڈنگ کا خاتمہ کرتے کرتے مارکیٹوں کی بندش سے لوگوں کے کاروبار تباہ کرنے پر تل گئی ہے ،ساجد علی قریشی
بدھ 25 مئی 2016 21:17
راولپنڈی (اُردو پوائنٹ اخبارتازہ ترین - آئی این پی۔25 مئی۔2016ء) پاکستان تحریک انصاف کے ضلعی سیکریٹری اطلاعات راولپنڈی ساجد علی قریشی نے کہا ہے کہ شریف برادران قوم کو لوڈ شیڈنگ کے خاتمے کی نویدیں سناتے سناتے اپنے ’’ خواجوں ‘‘ :کے توسط سے بجلی بحران کی وجہ سے لوگوں کے کاروبار تباہ کرکے بجلی بچانے کی باتیں کرنے لگے ہیں ․ بجلی کے بحران میں اضافے نے حکومت کے دعوؤں کی قلعی کھول دی ہے اور ثابت کر دیا ہے کہ حکمران جھوٹ بول کر قوم کو بے وقوف بنارہے ہیں ․ انہوں نے یہ بات تحریک انصاف کے پبلک سیکریٹریٹ برائے پی پی 6 میں کارکنوں اور معززین کے وفود سے بات چیت کرتے ہوئے کہی ․ انہوں نے کہا کہ اگر مسلم لیگ ن کی حکومت نے اصل مسائل پر توجہ دی ہوتی اور کمیشن کے حامل میگا پراجیکٹس کی بجائے بجلی کی پیداوار کے منصوبوں پر پیسے خرچ کئے ہوتے تو ان کے تین سالہ دور حکومت میں توانائی بحران کی سنگینی یقینی طور پر کم ہو چکی ہوتی مگر قوم کو جھوٹی آس اور امید دلانے والوں نے سرئیے اور سیمنٹ کی کھپت کے منصوبے بنا کر بجلی بحران کے خاتمے کے جھوٹے دعوے ہی کئے ․ انہوں نے کہا کہ حالیہ برسوں کا ریکارڈ گواہ ہے کہ مسلم لیگ ن نے قوم سے جتنے جھوٹ بولے اتنے پاکستان کی پوری تاریخ میں نہیں بولے گئے ․ شریف برادران نے زرداری سے کرپشن کی دولت وصولی کیلئے انہیں سڑکوں پر گھسیٹنے کے دعوے کئے اور بجلی بحران کو کبھی چھ ماہ اور کبھی ایک سال میں ختم کرنے کے نعرے لگائے مگر یہ سب دعوے اور نعرے جھوٹ ثابت ہوئے ․نواز شریف الٹا اپنی کرپشن بچانے کیلئے گیلانی ہاؤس کی یاترا کرنے پہنچ گئے ․ ساجد علی قریشی نے کہا کہ پانامہ لیکس اور دیگر معاملات پر بھی نیچے سے اوپر تک تمام حکومتی عہدیداروں نے رات دن جھوٹ کی فیکٹریاں لگا رکھی ہیں اور حکومتی خواجہ بجلی بچانے کیلئے لوگوں کے کاروبار تباہ کرنے پر تل گئے ہیں ۔
متعلقہ عنوان :
مزید قومی خبریں
-
منشیات فروشوں کے خلاف کریک ڈائون کر رہے ہیں، اسلحہ کی نمائش کی اجازت نہیں ہوگی ، شرجیل انعام میمن
-
راولپنڈی،پتریاٹہ پولیس کی کارروائی ،ناجائز اسلحہ پرملزم گرفتار
-
وزیراعلیٰ سندھ کی زیر صدارت ایپکس کمیٹی کا اجلاس
-
صوبائی وزیر صحت خواجہ عمران نذیر کی جناح ہسپتال آمد ،یورالوجی ٹرانسپلانٹ سنٹر کا دورہ کیا
-
گھریلو کنکشن کیلئے ایل این جی کی بنیاد پر ڈیمانڈ نوٹسز کی فیس مقرر
-
پنجاب کو مکمل طورپرپولیو فری بنانا ہمارا عزم، ویکسی نیشن مہم کی ذاتی طور پر مانیٹرنگ کررہی ہوں،مریم نواز
-
سید ناصرحسین شاہ کی کراچی یونین آف جرنلسٹس کے نومنتخب عہدیداروں کو مبارکباد
-
پیپلزپارٹی آزاد و خودمختار پریس کی حمایت کرتی ہے، جس کا جمہوری عمل کے فروغ میں کلیدی کردار ہے،بلاول بھٹو زرداری
-
گورنر سندھ کامران ٹیسوری کے ہمراہ وفاقی وزیر داخلہ محسن نقوی کا آئی ٹی مارکی کا دورہ
-
وفاقی وزیرداخلہ محسن نقوی کی کراچی میں چینی قونصلیٹ آمد،چین کے قونصل جنرل سے ملاقات
-
مجرموں کی سرپرستی یا سہولتکاری کرنے والا کوئی بھی ہو اس کے ساتھ کوئی بھی رعایت نہیں برتی جائے گی، شرجیل میمن
-
وزیراعلی سندھ سید مراد علی شاہ کی زیر صدارت 31 ویں ایپکس کمیٹی اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.