چین کابھارت کو اورناچل پریش میں براہموس کروز میزائل نصب کر نے پر انتباہ

پیر 22 اگست 2016 22:21

بیجنگ(اُردو پوائنٹ اخبارتازہ ترین - آئی این پی۔22 اگست ۔2016ء ) چین کی پیپلز لبریشن آرمی(پی ایل اے ) نے بھارتی ریاست اروناچل پردیش میں براہموس کروز میزائل نصب کرنے پر بھارت کو خبردار کردیا ہے۔چین کی پیپلز لبریشن آرمی کے حکام کی جانب سے پیر کو جاری کردہ بیان میں بھارت کو خبردار کیا گیا ہے کہ ارونا چل پردیش میں میزائل نصب کرنے سے منفی تاثر پیدا ہو گا اور بھارت کو چین کی جانب سے بھی سخت ردعمل کا سامنا کرنا پڑ سکتا ہے جس سے سرحدی علاقے کا امن خراب اور کشیدگی میں اضافہ ہو گا۔

(جاری ہے)

پی ایل اے کی جانب سے جاری بیان میں کہا گیا ہے کہ بھارت کی جانب سے سپر سانک میزائل نصب کرنے سے نئی دہلی کی دفاعی ضروریات بڑھ جائیں گی اور چین کے علاقوں تبت اور ینان کے لئے خطرہ بڑھ جائے گا۔پیپلز لبریشن آرمی کی جانب سے مزید کہا گیا کہ بھارت کی جانب سے میزائل نصب کرنے کے پیچھے تصادم کی پالیسی کارفرما ہے، بھارت سرحدی علاقوں پر میزائل نصب کر کے چین کو ڈرا کر سرحدی علاقے میں اپنی برتری دکھانا چاہتا ہے۔واضح رہے کہ رواں ماہ کے آغاز میں ارونا چل پردیش کی حکومت نے بھارتی فوج کو پہاڑی جنگی محاذ پر جدید ترین براہموس کروز میزائل نصب کرنے کی منظوری دی تھی۔

Facebook Twitter Google + Share on Whatsapp

چین کابھارت کو اورناچل پریش میں براہموس کروز میزائل نصب کر نے پر انتباہ

متعلقہ عنوان :

مزید بین الاقوامی خبریں