تیسری دنیا کے ممالک کی سیاست اورمعیشت عالمی طاقتوں کے قبضے میں ہے ‘ حافظ حمد اﷲ
تمام چوروں کا احتساب کریں، منتخب احتساب کے نام پر سیاسی ایجنڈا نافذ نہیں کرنے دیں گے‘مولانا محمد امجد خان
پیر 29 اگست 2016 19:57
لاہور ( اُردو پوائنٹ اخبارتازہ ترین - این این آئی۔29 اگست ۔2016ء) تیسری دنیا کے ممالک کی سیاست اورمعیشت عالمی طاقتوں کے قبضے میں ہے اور ان ممالک کے عوام کی قسمت کے فیصلے واشنگٹن اور لندن میں ہوتے ہیں لیکن عوام کو حقائق سے بے خبر رکھ کر آزادی کے نعرے کے فریب میں مبتلا رکھا جاتا ہے، امریکہ اورمغرب اسلامی دنیا میں اپنی مرضی کی جغرافیائی تقسیم چاہتے ہیں جس کے باعث انتشار بڑھ رہا ہے، پاکستان میں مدارس اور مذہبی طبقے کو دہشت گردی کا الزام لگا کر دیوار سے لگایا جارہا ہے جو کسی صورت قابل قبول نہیں ، ہم محب وطن ہیں لیکن ہمیں حب الوطنی کیلئے کسی سے سرٹیفکیٹ لینے کی ضرورت نہیں ہے، ملک میں حالات کی خرابی ، بدامنی کے فروغ میں آمروں نے سب سے زیادہ حصہ ڈالا ہے ان آمروں کا احتساب ہونا چاہئے، انہوں نے کہاکہ منتخب احتساب کے بجائے ملک میں تمام چوروں اور لٹیروں کا احتساب چاہتے ہیں لیکن احتساب کے نام پر کسی کے سیاسی ایجنڈے کو تقویت پہنچانے کی کوشش کی گئی تو اس کی مزاحمت کریں گے،ان خیالات کا اظہار جمعیۃ علماء اسلام کے مرکزی راہنما سینیٹر حافظ حمد اﷲ،مولانا محمد امجد خان، حافظ اشرف گجر، قاری شبیر احمد عثمانی، حافظ غضنفرعزیز، محمود الحسن قاسمی، قاری مشتاق احمد،حافظ نصیر احمد احرار،چوہدری عبد القدیر گجر،مولانا حسام الدین، قاری عبدالعزیز ودیگر نے جمعیۃ علما ء اسلام تحصیل کنٹونمنٹ بورڈ اور حلقہ شاہدرہ کے زیر اہتمام جامعہ مسجد ربانی نشاط کالونی کینٹ اور جامعہ قاسمیہ شاہدرہ میں خدمات جمعیۃ ورکرز کنونشن سے خطاب کرتے ہوئے کیا، کنونشن کی صدارت شیخ الحدیث مولانا محب النبی نے کی انہوں نے کہا کہ مدرسہ امن اور آشتی کا مرکز ہے اس کا کردار ختم کرنے کی کوشش کرنے والے ملک کے بد خواہ ہیں، کچھ لوگوں نے پاکستان مردہ باد کا نعرہ لگایا اس بات کاجواب دیاجائے کہ انہیں یہ جرأت کس نے دی اور ان کے گاڈ فادر کون لوگ تھے یہ نشاندہی کی جائے تاکہ قوم کو حقائق تک پہنچنے میں آسانی ہو، انہوں نے کہاکہ ملک میں مادر پدر آزاد معاشرہ رواج دینے کی کوشش کی جارہی ہے اور مغربی تہذیب کو فروغ دیا جارہاہے ہم اس کی مذمت کرتے ہیں اور ارباب اقتدار سے مطالبہ کرتے ہیں کہ وہ اسلامی شعائر او ر اقدار کے فروغ کے لئے اپنا آئینی کردار ادا کریں ، انہوں نے کہاکہ نفاذ اسلام کا مطالبہ کرنا ہمارا آئینی حق ہے لیکن مقتدر طبقہ عوام کو ان کا حق نہ دے کر آئین سے بغاوت کا مرتکب ہورہا ہے، ہم اپنا یہ آئینی حق مانگتے رہیں گے ۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.