آرمی چیف جنرل راحیل شریف نے 7 خطرناک دہشتگردوں کی سزائے موت کی توثیق کر دی
مختلف کالعدم تنظیموں سے تعلق رکھنے والے دہشتگرد، قانون نافذ کرنیوالے اداروں کے اہلکاروں اور فرقہ ورانہ قتل سمیت دہشتگردی کی مختلف وارداتوں میں ملو ث تھے، دہشتگردوں کے قبضے سے آتشیں اسلحہ اور دھماکہ خیز مواد برآمد کیا گیا تھا،آئی ایس پی آر آرمی چیف کی توثیق کے بعد دہشتگردوں کو کسی بھی وقت پھانسی دی جا سکتی ہے،ذرائع
جمعرات 22 ستمبر 2016 20:43
راولپنڈی(اُردو پوائنٹ اخبارتازہ ترین - این این آئی۔22ستمبر ۔2016ء ) آرمی چیف جنرل راحیل شریف نے مزید 7 خطرناک دہشتگردوں کی سزائے موت کی توثیق کر دی، مختلف کالعدم تنظیموں سے تعلق رکھنے والے دہشتگرد، قانون نافذ کرنیوالے اداروں کے اہلکاروں اور فرقہ ورانہ قتل سمیت دہشتگردی کی مختلف وارداتوں میں ملو ث تھے ، دہشتگردوں کے قبضے سے آتشیں اسلحہ اور دھماکہ خیز مواد برآمد کیا گیا تھا ، آرمی چیف کی توثیق کے بعد دہشتگردوں کو کسی بھی وقت پھانسی دی جا سکتی ہے۔
آئی ایس پی آر کے مطابق چیف آف آرمی سٹاف جنرل راحیل شریف نے جمعرات کو7 دہشتگردوں کی سزائے موت کی توثیق کر دی انہیں فوجی عدالتوں سے سزائے موت سنائی گئی تھی۔ یہ دہشتگرد بے گناہ شہریوں ، پولیس اہلکاروں اور مسلح افواج کے اہلکاروں کے قتل سمیت دہشتگردی کی وارداتوں میں ملوث تھے ۔(جاری ہے)
مذکورہ دہشتگرد فرقہ ورانہ قتل کی وارداتوں میں بھی ملوث تھے ۔
دہشتگردوں کے قبضے سے آتشیں اسحلہ اور گولہ بارود بھی برآمد ہوا تھا تمام دہشتگردوں کیخلاف فوجی عدالتوں میں مقدمات چلائے گئے ۔ اس حوالے سے آئی ایس پی آر کی جانب سے جاری کی گئی تفصیلات کے مطابق تین دہشتگرد محمد قاسم طوری ولد محمد فاروق، عابد علی ولد محمد رمضان اور محمد دانش ولد نور بخش مختلف کالعدم تنظیموں کے ارکان نے اور یہ قانون نافذ کرنیوالے اداروں میں ملوث تھے جن کے نتیجہ میں انسپکٹر علی اصغر داہری ، ہیڈ کانسٹیبل راجہ طارق کی جانیں ضائع ہوئیں جبکہ دو دیگر پولیس اہلکار زخمی ہوئے۔ مذکورہ دہشتگردوں کے قبضہ سے آتشیں اسلح اور دھماکہ خیز مواد بھی برآمد ہوا ۔ تینوں کی موت کی سزا سنائی گئی۔ دو دہشتگرد سید جہانگیر حیدر ولد سید کرم حیدر اور ذیشان ولد مرید عباس فرقہ ورانہ قتل اور قانون نافذ کرنیوالے اداروں کے اہلکاروں کے حملے میں ملث تھے ۔ ان کے قبضہ سے بھی آتشیں اسلحہ اور دھماکہ خیز مواد برآمد ہوا انہوں نے عدالت کے سامنے اپنے جرائم کا اعتراف کیا ان دونوں کو بھی موت کی سزا سنائی گئی۔ دو دہشتگرد معتبر خان ولد پروانت خان اور رحمان الدین ولد معمبر کالعدم تحریک طالبان پاکستان کے فعال رکن تھے یہ قانون نافذ کرنیوالے اداروں کے اہلکاروں ، مسلح افواج پر حملوں اور امن کمیٹی کے ایک رکن کے قتل میں ملوث تھے ان کے قبضہ سے بھی آتشیں اسحلہ اور دھماکہ خیز مواد برآمد ہوا انہوں نے مجسٹریٹ اور عدالت کے سامنے اپنے جرائم کا اعتراف کیا اور انکو موت کی سزا سنائی گئی۔ ذرائع کے مطابق آرمی چیف جنرل راحیل شریف کی جانب سے مذکورہ دہشتگردوں کی سزائے موت کی توثیق کے بعد انہیں کسی بھی وقت پھانسی پر لٹکایا جا سکتا ہے ۔متعلقہ عنوان :
مزید اہم خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
اسرائیل سے الجزیرہ نیوز چینل پر پابندی کا فیصلہ واپس لینے کا مطالبہ
-
جنگ ہو یا امن دائیاں خدمات سرانجام دیتی رہتی ہیں
-
سوڈان: یو این اداروں کو ڈارفر میں قحط برپا ہونے کا خدشہ
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.