سپریم کورٹ نے پانامہ لیکس کے معاملے پر پی ٹی آئی کے اعتراضات ختم کر دئے

وطن پارٹی اور طارق اسد ایڈووکیٹ کی درخواستوں‌پر بھی اعتراضات ختم کر دئے گئے

سمیرا فقیرحسین منگل 27 ستمبر 2016 11:17

سپریم کورٹ نے پانامہ لیکس کے معاملے پر پی ٹی آئی کے اعتراضات ختم کر ..

اسلام آباد (اُردو پوائنٹ تازہ ترین اخبار۔ 27 ستمبر 2016ء) : سپریم کورٹ آف پاکستان میں پانامہ لیکس کے معاملے پر پاکستان تحریک انصاف کی درخواست کی سماعت ہوئی۔ سپریم کورٹ نے پانامہ لیکس کے معاملے پر پاکستان تحریک انصاف سمیت دیگر جماعتوں کی درخواستوں پر اعتراضات ختم کر دئے ہیں۔

(جاری ہے)

سپریم کورٹ نے حکم دیا کہ پانامہ لیکس کے معاملے پر دائر کی گئی تمام درخواستوں کی سماعت کھلی عدالت میں کی جائے۔

کھلی عدالت میں سپریم کورٹ کا تین رکنی بنچ ان درخواستوں پر سماعت کرے گا۔ سپریم کورٹ نے وطن پارٹی اور طارق اسد کی درخواستوں پر بھی اعتراضات ختم کر دئے ہیں۔ دوسری جانب پی ٹی آئی کے وکیل حامد خان نے بتایا کہ سپریم کورٹ کی جانب سے درخواستوں پر لگائے گئے اعتراضات پر آج دلائل کے بعد انہیں ختم کر دیا گیا ہے۔