خیبر پختونخواسینئر سٹیزنز ویلفیئر کونسل کے قیام کا اعلامیہ جاری
60 سال سے زائد عمر کے بزرگ شہریوں کے لئے مراعات فراہم کی جائیں گی
منگل 27 ستمبر 2016 21:50
پشاور (اُردو پوائنٹ تازہ ترین اخبار۔ 27 ستمبر - 2016ء) خیبرپختونخوا میں 60 سال اوراس سے زائد عمر کے بزرگ شہریوں کو مختلف قسم کی سہولیات اورمراعات کی فراہمی سے متعلق صوبائی اسمبلی سے منظور ” سینئر سٹیزنز ایکٹ 2014 ء“ کے تحت سینئر سٹیزنز ویلفیئر کونسل کے اراکین کا چناوٴ کرتے ہوئے کونسل کے قیام کا اعلامیہ جاری کردیاگیا ،کونسل کے سربراہ محکمہ سماجی بہبود خیبرپختونخواکے وزیر ہونگے جبکہ دو اراکین صوبائی اسمبلی اور چار سماجی شخصیات اراکین ، سیکرٹری ہیلتھ ،سیکرٹری فنانس، سیکرٹری لوکل گورنمنٹ ،سیکرٹری پی اینڈ ڈی ،کمشنر پشاورڈویژن اور ڈائریکٹر سوشل ویلفیئر بلحاظ عہدہ کونسل میں شامل ہونگے۔
خیبرپختونخوا اسمبلی سے بل کی منظوری کے بعد چیف سیکرٹری کی سربراہی میں قائم کی گئی کمیٹی نے اراکین سینئر سیٹزنز ویلفیئر کونسل کے چناوٴ کا عمل شروع کیا جس میں ابتدائی طورپر پیش کی گئی فہرست کی سکروٹنی کی گئی۔(جاری ہے)
بعدازاں سرچ اینڈ سکروٹنی کمیٹی کا چیف سیکرٹری کی زیر صدارت اجلاس منعقد ہوا جس میں سیکرٹری پی اینڈ ڈی ،سیکرٹری سوشل ویلفیئر ،سیکرٹری ہوم، ڈائریکٹر سوشل ویلفیئر شریک ہوئے۔
اجلاس میں طویل مشاورت اورجائزہ کے بعد چار اراکین کاچناوٴ کرلیاگیا جن میں فرنٹیئر فاوٴنڈیشن کے صاحبزادہ حلیم، انٹی ایٹوفار ڈویلپمنٹ اینڈ امپاورمنٹ ایکسس (IDEA) کے محمد عماد احمد، حبیب اللہ خان خٹک ،ایج ڈیمانڈ ایکشن(ADA) کے میاں شاکرحسین شامل ہیں جس کی وزیر اعلیٰ خیبرپختونخوا نے منظوری دے دی ہے جس کے بعد محکمہ سماجی بہبود وخصوصی تعلیم وومن امپاورمنٹ نے باقاعدہ طورپر سینئر سٹیزنز ویلفیئر کونسل کے قیام کاا علامیہ جاری کردیا ،اعلامیہ کے مطابق صوبائی وزیرسماجی بہبود سینئر سٹیزنز ویلفیئر کونسل کے چیئرمین ،سیکرٹری سماجی بہبود خیبرپختونخوا وائس چیئرمین ا،دد اراکین صوبائی اسمبلی شوکت علی یوسفزئی(حز ب اقتدار) ،جعفرشاہ (حزب اختلاف) حاحبزادہ محمد حلیم ،محمد عماد احمد، حبیب اللہ خان خٹک اورمیاں شاکر حسین اراکین ،سیکرٹری ہیلتھ ،سیکرٹری پی اینڈڈی، سیکرٹری خزانہ ،سیکرٹری لوکل گورنمنٹ ،کمشنر پشاورڈویژن ،ڈائریکٹر محکمہ سماجی بہبود ایکس آفیشو ممبرز ہونگے۔ واضح رہے کہ مذکورہ قانون کے تحت بزرگ شہری وہ ہوں گے جن کی عمر 60 سال یا اس سے زائد ہو۔انہیں سینئر سیٹزنز کارڈ جاری ہوں گے جبکہ عجائب گھروں ۔لائبریریوں، پارکوں اوردیگر تفریحی مقامات میں سہولیات مفت حاصل ہوں گی۔ مستحق بزرگ شہریوں کی مالی معاونت کرنے سمیت ہسپتالوں میں ان کے لئے الگ کاوٴنٹر،الگ میڈیکل وارڈز اورسٹیزن ہوم قائم کیے جائیں گے علاوہ ازیں سینئر سٹیزن اداروں میں انہیں ممبر شپ بھی دی جائے گی اس مقصد کے لئے صوبائی حکومت فنڈ بھی مہیا کرے گی۔مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.