تحریک انصاف کا کیس جھوٹ اور الزامات پر مبنی ہے،عمران خان قوم سے مسلسل جھوٹ بول رہے ہیں،مریم اورنگزیب
وزیراعظم نوازشریف پرماضی میں بھی جھوٹے الزامات لگائے گئے، پی ٹی آئی نے کیس سے متعلق ایک بھی ثبوت عدالت میں جمع نہیں کرایا ،عابد شیر علی اور انوشہ رحمن کی سپریم کورٹ کے باہر میڈیا سے گفتگو
منگل 6 دسمبر 2016 14:58
(جاری ہے)
منگل کے روز اسلام آباد میں سپریم کورٹ کے باہر میڈیا سے بات کرتے ہوئے وزیر مملکت اطلاعات مریم اورنگزیب نے کہا کہ تحریک انصاف آج بھی سپریم کورٹ میں ثبوت پیش کرنے میں ناکام رہی ہے اور وہی پرانے دلائل دئیے ، عمران خان پھر کوئی نیا وکیل کر لیں، وہ ثبوت کہا ں ہیں جن کی بنیاد پر وزیر اعظم سے استعفیٰ مانگا گیا عمران خان کے وکلاء کے دلائل جھوٹے اور پرانے ہیں،عوام بھی وہیں سنیں جو سچ ہے ، انہوں نے کہا کہ خیبرپختونخواکے عوام کوجھوٹوں کے رحم وکرم پرنہیںچھوڑسکتے،خیبرپختونخوا میں بھی وہ کام کریں گے جودیگرصوبوں میں کررہے ہیں،تحریک انصاف خیبر پختونخوا کے عوام سے وعدے پورے نہیں کر سکی ، وفاقی حکومت خیبر پختونخوا میں بھی عوامی منصوبے مکمل کرے گی اور عمران خان بھی خیبر پختونخوا جا کر عوام کی خدمت کریں،انہوں نے مزید کہا کہ تحریک انصاف کا کیس جھوٹ اور الزامات پر مبنی ہے اور عمران خان قوم سے مسلسل جھوٹ بول رہے ہیں ، عمران خان اپنے ثبوتوں پر غور کریں اور سپریم کورٹ سے کیس واپس لے لیں ، بعد ازاں میڈیا سے گفتگو میں وزیر مملکت پانی و بجلی عابد شیر علی نے کہا کہ وزیراعظم نوازشریف پرماضی میں بھی جھوٹے الزامات لگائے گئے اور اس بار بھی وزیر اعظم پانامہ کیس سے انشاء اللہ باعزت طریقے سے نکلیں گے،دلائل کے ساتھ کیس لے کر آگے بڑھیں گے اور دلائل سے ثابت کریں گے کہ عمران خان اوران کی ٹیم نے جھوٹ بولا،عمران خان نے جھوٹ بول کر قوم کے 3سال ضائع کئے اب مخالفین کو ملک میں منہ چھپانے کی جگہ نہیں ملے گی، انہوں نے مزید کہا کہ ریلوے کی رکھوالی پر بلا شیخ رشید بیٹھا تھا،ان کی کہانیاں ناکام ہوگئیں ، وزیر مملکت آئی ٹی انوشہ رحمان نے کہا کہ تحریک انصاف نے کیس سے متعلق ایک بھی ثبوت عدالت میں جمع نہیں کرایا ، عمران خان کے وکیل خود عدالت میں کہتے ہیں کہ ٹیکس لاء سے آگاہی نہیں ، ہم نے تمام ثبوت عدالت میں جمع کرا دیئے ہیں اور ثابت کر دیا ہے کہ مریم صفدر شادی کے بعد وزیر اعظم نواز شریف کی زیر کفالت نہیں ہیںاور ثبوت سے ثابت کیا کہ پی ٹی آئی کے الزامات جھوٹے ہیں ، انہوں نے کہا کہ آئندہ بھی مخالفین کو منہ کی کھانا پڑے گی ۔
مزید اہم خبریں
-
پی آئی اے کی نجکاری میں 15 دن کی توسیع کا فیصلہ کیا گیا ہے،عبدالعلیم خان
-
حکومت نے آئی ایم ایف کی بجلی گیس مہنگی اور پنشنرز پر ٹیکس لگانے کی تجویزپر غور شروع کر دیا
-
آڈیو لیکس کیس، آئی بی کی بینچ پر اعتراض واپس لینے کی درخواست خارج
-
صحافت کو درپیش خطرات سے مشترکہ طور پر نمٹنے کی ضرورت، گوتیرش
-
حکومت آئی ایم ایف پیکیج پر پارلیمنٹ کو اعتماد میں لے، راجہ پرویز اشرف
-
گلگت بلتستان ، مسافر بس گہری کھائی میں گرنے سے 20افرادجاں بحق 22شدید زخمی
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.