شریف خاندان کی صلاحیت صرف پیسہ ہے ،شیخ رشید

نوازشریف اورپاکستان ساتھ ساتھ نہیں چل سکتے ،20کروڑعوام نوازشریف سے چھٹکاراچاہتے ہیں عوامی تحریک پہلی باردھرنادینے جارہی ہے،وقت آنے پردھرنے کی تاریخ دونگا،نجی ٹی وی سے گفتگو

اتوار 15 جنوری 2017 23:10

شریف خاندان کی صلاحیت صرف پیسہ ہے ،شیخ رشید

اسلام آباد (اُردو پوائنٹ اخبارتازہ ترین - آن لائن۔ 15 جنوری2017ء) عوامی مسلم لیگ کے سربراہ شیخ رشید احمدنے کہاہے کہ شریف خاندان کی صلاحیت صرف پیسہ ہے ،نوازشریف اورپاکستان ساتھ ساتھ نہیں چل سکتے ،20کروڑعوام نوازشریف سے چھٹکاراچاہتے ہیں ۔نجی ٹی وی سے گفتگوکرتے ہوئے انہوں نے کہاکہ جس دن نوازشریف سچ بولیں گے وہ ان کی سیاست کاآخری دن ہوگا،شریف خاندان کی صلاحیت پیسے سواکچھ نہیں ہے ۔

(جاری ہے)

نوازشریف اورپاکستان ساتھ ساتھ نہیں چل سکتے،نوازشریف پاکستان کے وزیراعظم رہنے کے اہل نہیں ،نوازشریف لوگوں کوخریدتے ہیں ،بیس کروڑعوام نوازشریف سے چھٹکاراچاہتے ہیں ۔انہوںنے کہاکہ عوام جانتی ہے کہ فلیٹس قطری شہزادوں کے نہیں بلکہ شریف فیملی کے ہیں ۔آئی سی آئی جے بھی کہتی ہے کہ فلیٹس شریف فیملی کے ہیں ۔پانامہ لیکس کیس کاجوبھی فیصلہ آیاہم قبول کریں گے۔عوام جانتے ہیں یہ لند ن کے فلیٹس نواز شریف کے ہیں ۔ انہوںنے کہاکہ عوامی تحریک پہلی باردھرنادینے جارہی ہے اوروقت آنے پردھرنے کی تاریخ کااعلان کیاجائیگا۔انہوں نے کہا کہ اگر دھرنے میں عوام نے ساتھ نہ دیا تو سیاست سے الگ ہوجائوں گا ۔

Facebook Twitter Google + Share on Whatsapp

شریف خاندان کی صلاحیت صرف پیسہ ہے ،شیخ رشید

متعلقہ عنوان :

مزید اہم خبریں