پنجاب میں اربوں روپے کے فنڈز کی غیر قانونی تقسیم پر تحریک التوائے کار پنجاب اسمبلی میں جمع

بدھ 29 مارچ 2017 18:01

لاہور(اُردو پوائنٹ اخبارتازہ ترین - آئی این پی۔ 29 مارچ2017ء) پاکستان تحریک انصاف کی رکن پنجاب اسمبلی سعدیہ سہیل رانا نے کہا ہے کہ ایک تحریک التوائے کار پنجاب اسمبلی میں جمع کروا دی جس میں کہا گیا ہے کہ نجی اخبار کی خبر کے مطابق پنجاب میں اربوں روپے کے فنڈز کی غیر قانونی تقسیم کر دی گئی ہے لاہور کو خاص ترجیح دیتے ہوئے باقی اضلاع نظر انداز کئے گئے حکومت اپنی ہی پالیسی کے برعکس اقدامات کرتی رہی اکائونٹنٹ جنرل کی رپورٹ میں انکشافات سامنے آئے ہیں سرکاری روپورٹ کے مطابق غیر ترقیاتی اور تنخواہوں سمیت تمام فنڈز ملا کر اب تک صوبہ میں 11 کھرب 11 ارب 59 کروڑ 8 لاکھ 93 ہزار 603 روپے جاری کئے گئے۔

(جاری ہے)

جنوبی پنجاب سمیت کئی اضلاع کو پالیسیاں بناتے وقت نظر انداز کیا گیا اربوں روپے کے پراجیکٹ میں سفارشات کام آئیں۔ سب سے زیادہ فنڈز لاہور کو دیئے گئے۔ وزیر اعلیٰ سپلیمنٹری گرانٹس بھی جاری کیں۔ حکومت پنجاب نے سب اضلاع کو آبادی کے تناسب سے پیسے دینے کی اپنی ہی پالیسی کو نظر انداز کیا۔