پی آئی اے کے جہازوں سے منشیات کی برآمدگی کے واقعات سامنے آنے کے بعد عملے کی تلاشی سخت

جہازوں کے مختلف حصوں پر بھی سیکورٹی سیل چسپاں کی گئی ،ْاسٹیکر پھٹنے کی صورت میں عملہ سیکورٹی اسٹاف کو آگاہ کرے گا

بدھ 24 مئی 2017 12:44

اسلام آباد (اُردو پوائنٹ اخبارتازہ ترین - این این آئی۔ 24 مئی2017ء) پی آئی اے کے جہازوں سے منشیات کی برآمدگی کے واقعات سامنے آنے کے بعد عملے کی تلاشی سخت کر دی گئی ہے ،ْ جہازوں کے مختلف حصوں پر بھی سیکورٹی سیل چسپاں کی گئی ہے۔

(جاری ہے)

پی آئی اے ذرائع کے مطابق منشیات کی برآمدگی کے بعد پی آئی اے نے عملے کی تلاشی کا عمل سخت کرتے ہوئے جہاز میں داخل ہونے والے ہر اہل کار کی سخت تلاشی لینے کے ا قدام کا آغاز کیا ہے۔جہازوں میں واش روم کے کموڈ سمیت آسانی سے کھل جانے والے حصوں پر سیل کے اسٹیکر لگا دیئے گئے ہیں ،ْ اسٹیکر پھٹنے کی صورت میں عملہ سیکورٹی اسٹاف کو آگاہ کرے گا۔