نہال ہاشمی کے خلاف (ن) لیگ کی کاروائی محض ڈرامہ تھا‘سیدصمصام علی بخاری

نہال ہاشمی کااستعفیٰ واپس لینے میں وزیراعظم اور انکے درباریوں کارنامہ ہے ‘سیکرٹری اطلاعات پنجاب

منگل 6 جون 2017 18:40

نہال ہاشمی کے خلاف (ن) لیگ کی کاروائی محض ڈرامہ تھا‘سیدصمصام علی بخاری

لاہور(اُردو پوائنٹ اخبارتازہ ترین - این این آئی۔ 06 جون2017ء) پاکستان تحریک انصاف پنجاب کے سیکرٹر ی اطلاعات سید صمصام علی بخاری نے کہاکہ نہال ہاشمی کے خلاف (ن) لیگ کی کاروائی محض ڈرامہ ثابت ہوئی ، نہال ہاشمی کے استعفیٰ واپس لینے میںبھی وزیراعظم اور ان کے درباریوں کاہاتھ ہے ، (ن) لیگ حسین نوازکی تصویر چلاکر خودکومظلوم ثابت کرنے کی کوشش ہے ، وزیراعظم کی تجربہ کار ٹیم لوڈشیڈنگ کے جن کو قابوکرنے میں مکمل طور پر ناکام ہو چکی ہے ۔

ان خیالات کااظہار انہوں نے پارٹی ورکروں کی میٹنگ کے موقع پر کیا۔سید صمصام علی بخاری نے کہاکہ حکمران جماعت پانامہ کیس کی جے آئی ٹی میں بُری طرح پھنس چکی ہے ۔قطری شہزادے کے انکار کے بعد وزیراعظم کے پاس منی ٹریل ثابت کرنے کے لئے کچھ نہیں بچا۔

(جاری ہے)

کرپٹ ٹولے کایوم حساب قریب ہے اور ملکی دولت لوٹنے والے جلدانصا ف کے کٹہرے میں ہوںگے۔ انہوں نے کہاکہ اگرملک کی لوٹی ہوئی دولت واپس آگئی تو پاکستانی عوام کی قسمت بدل جائے گی اور ملک کو قرضوں سے نجا ت ملے گی۔

سیدصمصام علی بخاری نے کہاکہ لوڈشیڈنگ نے غریب عوام کا جینا مشکل کردیا ہے۔ رمضان المبارک کے مہینے میں بھی غریب عوام لوڈشیڈنگ کے عذاب سے دوچار ہے ۔ سخت گرمی میںروزے داروں کو کئی کئی گھنٹوں کی لوڈشیڈنگ نے پریشان کیاہواہے۔ انہوں نے کہاکہ (ن) لیگ کی تجربہ کار ٹیم لوڈشیڈنگ کے جن کو قابوکرنے میں مکمل طور پر ناکام ہوچکی ہے۔