قطری شہزادے نے جعلی رسیدیں حاصل کرنے کیلئے منی ایکسچینج کمپنی سے رابطہ کرلیا
دبئی کی منی ایکسچینج کمپنی جو کئی سالوں سے بند ہو چکی ہے ، 1996ء سے پہلے کی رسیدیں بنوانے کیلئے کمپنی مالک اور شہزادے کے درمیان مذاکرات جاری ہیں جے آئی ٹی کے سامنے گلف سٹیل ملز کی فروخت اور رقم کی قطر سے منتقلی کو جعلی رسیدوں کے ذریعے ثابت کیا جاسکے گا،ذرائع
منگل 20 جون 2017 18:34
(جاری ہے)
لیکن قطری شہزادے نے اس کمپنی کے مالکان کو1996ء سے پہلے کی رسیدیں اور مہریں فراہم کرنے کیلئے کہا ہے تاکہ جب جے آئی ٹی تفتیش شروع کرے تو اس کے سامنے اس بند منی ایکسچینج کمپنی کی مبینہ جعلی رسیدیں رکھی جاسکیں۔
اسی طرح قطری شہزادے نے دوبئی کی ایک منی ایکسچینج کمپنی سے بھی رابطہ کیا ہے تاکہ گلف سٹیل ملز کی فروخت کے بعد رقم کی قطر منتقلی کو جعلی رسیدوں کے ذریعے ثابت کیا جاسکے۔ذرائع کے مطابق کئی سال پہلے قطر کی بند ہونیوالی کمپنی کالے دھن کو سفید کرنے میں کافی بدنام تھی۔دوسری طرف قطر کے شاہی خاندان کے قریبی ذرائع نے انکشاف کیا ہے کہ 2002ء سے پہلے قطری شاہی خاندان اور شریف فیملی میں دور کی جان پہچان بھی نہیں تھی۔2002ء کے بعد جب سابق احتساب کمشنر سیف الرحمان قطر منتقل ہوئے اور انہوں نے اپنے کاروبار کو وسعت دی تو اس وقت شریف فیملی اور قطری خاندان کے روابط بڑھنا شروع ہوئے۔ذرائع کا کہنا ہے کہ جب قطری شہزادے سے سپریم کورٹ کو خط لکھوایا گیا تو انہیں یقین دلایا گیا تھا کہ خط کے بعد کسی بھی قسم کی پیچیدہ صورتحال پیدا نہیں ہوگی لیکن عدالت عظمیٰ کی طرف سے جے آئی ٹی کی تشکیل کے بعد جب قطری شہزادے کے خط کی انکوائری کا مرحلہ آیا تو نہ صرف پاکستان کا حکمران خاندان پریشانی میں مبتلا ہوگیا بلکہ قطر کے شاہی خاندان کیلئے ناخوشگوار صورتحال پیدا ہونا شروع ہوگئی۔اس سے پہلے کہ جے آئی ٹی قطری شہزادے کو طلبی کے سمن جاری کرتی تو شہزادے کی طرف سے خط کے ذریعے آگاہ کردیا گیا کہ وہ تفتیش کیلئے ہرگز پیش نہیں ہونگے البتہ وہ صرف اس بات کی تصدیق کرنے کو تیار ہیں کہ لکھا گیا خط جعلی نہیں ہے۔قطری شہزادے نے یہ خط عین اس وقت لکھا جب انکا ذاتی عملہ لاہور پہنچ گیا تھا لیکن صورتحال کی سنگینی کا احساس ہوتے ہی انہوں نے پیش ہونے سے انکار کردیا اور حکومت کا مؤقف یہ سامنے آیا کہ قطری شہزادے نے حسین نواز کی تصویر لیک ہونے کے بعد سیکورٹی نقطہ نظر سے آنے سے انکار کیا لیکن یہ صورتحال قطر کے شاہی خاندان کے لئے اس وقت اوربھی زیادہ پیچیدہ ہوگئی جب جے آئی ٹی کی طرف سے قطر جاکر تفتیش کرنے کا عندیہ دیا گیا۔چنانچہ جے آئی ٹی کے قطر پہنچنے کی صورت میں قطری شہزادے نے اپنی خاندانی ساکھ بچانے کیلئے قطر کی ایک بند منی ایکسچینج کمپنی کو ڈھال کے طور پر استعمال کرنے کا منصوبہ بنا لیا ہے اور اس بند منی ایکسچینج کمپنی کے ذریعے جعلی رسیدیں بمع مہریں حاصل کی جارہی ہیں۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.