محمد نوازشریف کے قافلے میں لوگ والہانہ جذبہ اور محبت سے شرکت کر رہے ہیں،

قوم نے محمد نوازشریف کو تین مرتبہ وزیراعظم منتخب کیا اور نوازشریف گزشتہ 30، 35 سال سے ملک و عوام کی خدمت کر رہے ہیں،یہی وجہ ہے لوگ اپنے جذبہ سے قائد کی ایک جھلک دیکھنے کو دیوانہ وار آئے ہیں، دھرنوں، ہڑتالوں اور پارلیمنٹ سمیت اداروں پر حملہ کرنے والے نوازشریف کی ریلی پر تنقید کر رہے ہیں ،اپوزیشن کے ذہنی حالات کو سمجھ سکتی ہوں، اپوزیشن 4 سال میں دھرنیاں اور چھوٹی چھوٹی جلسیاں کر کے بھی اتنے لوگ اکٹھے نہیں کر سکی جتنے لوگ نوازشریف نے آدھے دن میں اکٹھے کر لئے،اپوزیشن کو چاہئے کہ جلد حقیقت کو تسلیم کر لیں اور جن صوبوں میں ان کی حکومت ہے وہاں عوام کی خدمت کرے وزیر مملکت برائے اطلاعات و نشریات مریم اورنگزیب کی نجی ٹی وی سے گفتگو

جمعرات 10 اگست 2017 23:32

محمد نوازشریف کے قافلے میں لوگ والہانہ جذبہ اور محبت سے شرکت کر رہے ..

اسلام آباد ۔ (اُردو پوائنٹ اخبارتازہ ترین - اے پی پی۔ 10 اگست2017ء) وزیر مملکت برائے اطلاعات، نشریات و قومی ورثہ مریم اورنگزیب نے کہا ہے کہ محمد نوازشریف کے قافلے میں لوگ والہانہ جذبہ اور محبت سے شرکت کر رہے ہیں، قوم نے محمد نوازشریف کو تین مرتبہ وزیراعظم منتخب کیا اور نوازشریف گزشتہ 30، 35 سال سے ملک و عوام کی خدمت کر رہے ہیں،یہی وجہ ہے لوگ اپنے جذبہ سے قائد کی ایک جھلک دیکھنے کو دیوانہ وار آئے ہیں، دھرنوں، ہڑتالوں اور پارلیمنٹ سمیت اداروں پر حملہ کرنے والے نوازشریف کی ریلی پر تنقید کر رہے ہیں ،اپوزیشن کے ذہنی حالات کو سمجھ سکتی ہوں، اپوزیشن 4 سال میں دھرنیاں اور چھوٹی چھوٹی جلسیاں کر کے بھی اتنے لوگ اکٹھے نہیں کر سکی جتنے لوگ نوازشریف نے آدھے دن میں اکٹھے کر لئے،اپوزیشن کو چاہئے کہ جلد حقیقت کو تسلیم کر لیں اور جن صوبوں میں ان کی حکومت ہے وہاں عوام کی خدمت کرے۔

(جاری ہے)

جمعرات کو نجی ٹی وی سے گفتگو کرتے ہوئے انہوں نے کہا کہ جو لوگ گزشتہ 4 سال کے دوران دھرنوں، ہڑتالوں اور پارلیمنٹ سمیت اداروں پر حملے میں ملوث رہے ہیں وہی نوازشریف کی ریلی پر تنقید کر رہے ہیں، محمد نوازشریف کے قافلے میں لوگ والہانہ جذبہ اور محبت سے شرکت کر رہے ہیں، مخالفین کا یہ تاثر غلط ہے کہ زبردستی عوام کو لایا جا رہا ہے، لوگوں کے جذبہ کو دیکھ کر میڈیا میںکسی تبصرہ کی گنجائش باقی نہیں رہی، محمد نواز شریف نے اداروں کو مضبوط اور مستحکم کیا، ان کا عدلیہ کی بحالی میں اہم کردار ہے، یہی وجہ ہے کہ لوگ اپنے جذبہ سے قائد کی ایک جھلک دیکھنے کو دیوانہ وار آئے ہیں، قوم نے محمد نوازشریف کو تین مرتبہ وزیراعظم منتخب کیا۔

انہوں نے کہا کہ نوازشریف گزشتہ 30، 35 سال سے ملک و عوام کی خدمت کر رہے ہیں۔ انہوں نے کہا کہ نوازشریف نے عدالتی فیصلہ تسلیم کرتے ہوئے بغیر کسی تاخیر کے اس پر عمل بھی کیا تاہم عدالتی فیصلہ پر اختلاف ہر شہری کی طرح ہمارا آئینی و قانونی حق ہے۔ انہوں نے کہا کہ اپوزیشن کے ذہنی حالات کو سمجھ سکتی ہوں، اپوزیشن 4 سال میں دھرنیاں اور چھوٹی چھوٹی جلسیاں کر کے بھی اتنے لوگ اکٹھے نہیں کر سکی جتنے لوگ نوازشریف نے آدھے دن میں اکٹھے کر لئے، اپوزیشن کی ذہنی حالت پر رحم آرہا ہے، ۔ انہوں نے کہا کہ اپوزیشن کو چاہئے کہ جلد حقیقت کو تسلیم کر لیں اور جن صوبوں میں ان کی حکومت ہے وہاں عوام کی خدمت کرے۔