سوشل میڈیا پر لڑکیوں سے دوستی کرکے نشے کا عادی بنانے والا گروہ گرفتار

محمد علی منگل 19 ستمبر 2017 00:22

کراچی(اُردو پوائنٹ اخبارتازہ ترین۔ 18 ستمبر2017ء) شہر کے پوش علاقوں میں فیس بک پر لڑکے لڑکیوں سے دوستی کرکے انہیں نشہ کا عادی بنانے والا گروہ گرفتار کرلیا گیا۔کراچی میں درخشاں پولیس نے معصوم لڑکے لڑکیوں کی زندگی سے کھیلنے والے گروہ کے خلاف بڑی کارروائی کرتے ہوئے طلباء و طالبات کو آن لائن منشیات بیچنے والے 4 ملزمان گرفتار کرلیے۔

(جاری ہے)

درخشاں تھانے کے ایس ایچ او اورنگزیب خٹک نے بتایا کہ ملزمان فیس بک اور سوشل میڈیا کے دیگر ذرائع کے ذریعے یہ گھناؤنا کام کرتے تھے، اور نوجوانوں کو مہلک ترین نشہ آئس پاوڈر، کوکین اور چرس سپلائی کرتے تھے۔

درخشاں پولیس کے مطابق منشیات فروشوں کا 8 افراد پر مشتمل گروپ ہے جس کے 4 افراد کو گرفتار کرلیا گیا جب کہ 4 ملزمان مفرور ہیں جن کی گرفتاری کے لیے چھاپے مارے جارہے ہیں، ملزمان نے فیس بک پر لڑکیوں سے دوستی کر کے ان کو بھی نشے کا عادی بنایا، ملزمان پرائیویٹ پارٹیوں میں بھی مطلوبہ نشہ سپلائی کرتے تھے، پہلے معصوم لڑکے لڑکیوں کو مفت میں نشہ پلاتے پھر پیسوں کی ڈیمانڈ کی جاتی۔

Facebook Twitter Google + Share on Whatsapp

سوشل میڈیا پر لڑکیوں سے دوستی کرکے نشے کا عادی بنانے والا گروہ گرفتار

متعلقہ عنوان :

مزید اہم خبریں