قصورپولیس کا سرچ آپریشن ، 9 افراد گر فتار، منشیات اور ناجائز اسلحہ برآمد

اتوار 15 اکتوبر 2017 13:21

قصور۔15 اکتوبر(اُردو پوائنٹ اخبارتازہ ترین - اے پی پی۔ 15 اکتوبر2017ء) قصور میں پولیس نے نیشنل ایکشن پلان کے تحت مختلف علاقوں میں سرچ آپریشن کے دوران 4مشتبہ سمیت 9ملزمان حراست میں لے لئے ۔ملزمان کے قبضہ سے بھاری مقدار میں منشیات اور ناجائز اسلحہ برآمد کر لیا گیا جبکہمشتبہ افراد سے پوچھ گچھ کا سلسلہ جاری ہے ۔

(جاری ہے)

تفصیلات کے مطابق ڈی پی اوقصورذوالفقاراحمدکی خصوصی ہدایات پر پولیس نے امن ومان کے قیام کو یقینی بنانے کے سلسلہ میں ضلع بھرکے چار مختلف مقامات قصبہ صدر قصور، منڈی عثمانوالا،چونیاں اور پتوکی کے علاقوں میں سرچ آپریشن کیا ،سر چ آپریشن پولیس کی بھاری نفری کے ساتھ کیا گیا،سرچ آپریشن کے دوران39گھروںکو چیک کیا گیا ،88افراد سے پوچھ گچھ کی گئی اور متعدد مشکوک افراد کی بائیو میٹرک ویری فیکیشن کی گئی، جبکہ چار مشتبہ افراد سمیت 9ملزمان کو حراست میںلیکر بھاری مقدار میں منشیات اور ناجائز اسلحہ برآمد کر کے تفتیش شروع کردی ہے۔