والد مشال خان نے خیبرپختونخواہ حکومت کےتحفظ کے نظام کا پول کھول دیا

لندن(اردوپوائنٹ اخبارتازہ ترین۔21 جنوری 2018ء) : مردان میں مقتول مشال خان کے والد نے خیبرپختونخواہ حکومت کے انصاف کے نظام کا پول کھول دیا۔انہوں نے کہا کہ عمران خان اور اسپیکرکےپی اسمبلی نے تحفظ فراہم کرنے کاوعدہ پورا نہیں کیا،گھرکے باہرتعینات اہلکاروںٕ کا خرچہ بھی خود برداشت کرتےہیں،جو شہریوں کی حفاظت نہ کرسکے اس کوحکومت کرنے کا کوئی حق نہیں۔

میڈیا رپورٹس کے مطابق لندن میں مقتول مشال کے والد اور ملالہ یوسفزئی کے والد ضیاءالدین یوسفزئی کے درمیان ملاقات ہوئی ہے۔اس موقع پروالدمشال خان نے کہا کہ عمران خان اوراسپیکرخیبرپختونخوااسمبلی نے تحفظ فراہم کرنےکا وعدہ کیا تھا۔ ابھی تک خیبرپختونخواحکومت نےوعدےپورے نہیں کیے۔

(جاری ہے)

گھرکے باہرتعینات اہلکاروںٕ کاخرچہ بھی خودبرداشت کرتےہیں۔

انہوں نے کہا کہ جو شہریوں کی حفاظت نہ کرسکےاس کو حکومت کرنےکاکوئی حق نہیں۔ والد ملالہ یوسفزئی نے کہا کہ کے پی حکومت نےمشال خان کےوالد سے کیے گئے وعدےپورے نہیں کیے۔ صوابی یونیورسٹی کا نام بھی مشال خان کے نام پررکھنےکا وعدہ پورا نہیں ہوا۔ کےپی حکومت مالی معاونت کےوعدےبھی پورے نہ کر سکی۔ ضیاءالدین یوسفزئی نے کہا کہ امید ہے کےپی حکومت مشال خان کے والد سے کیے گئے وعدے پورےکرے گی۔