آل ای پی آئی ٹیکنیشنز خیبرپختونخوا کا بنی گالہ میں عمران خان کے گھر کے سامنے دھرنا 35 ویں دن بھی جاری رہا

اتوار 18 فروری 2018 18:10

صوابی (اُردو پوائنٹ اخبارتازہ ترین - این این آئی۔ 18 فروری2018ء) آل ای پی آئی ٹیکنیشنز خیبرپختونخوا کا بنی گالہ میں عمران خان کے گھر کے سامنے دھرنا 35 ویں دن بھی جاری رہا ، مظاہرین تاحال اپنے حق کیلئے منتظر بیٹھے ہیں، صوبائی صدر جان عالم اور جنرل سیکرٹری شاہ فہد نے کہا کہ پی ٹی آئی چیئرمین عمران خان اور صوبائی وزیر صحت شہرام خان ترکئی سے ملاقات کی اور چار دن کی مہلت بھی دی تھی لیکن ابھی تک کوئی عملدرآمد نہیں ہوا ،ای پی آئی ٹیکنیشنز گزشتہ دس بارہ سالوں سے اپنے حق کے منتظر ہے لیکن ہمارے حق پر ڈاکہ ڈال کر دوسرے لوگوں کو بھرتی کیا ،انہوں نے کہا کہ ای پی آئی ٹیکنیشنز کی بجائے پی ایچ سی ملٹی پرپز لوگوں کو بھرتی کیا ہے ،جن کو ای پی آئی کا کوئی علم نہیں ۔