القدس سربراہ کانفرنس نے تمام فلسطینی تجاویز کو اپنا لیا، صائب عریقات

عرب سربراہ کانفرنس صحیح معنوں میں اول درجے کی فلسطینی سربراہ کانفرنس ثابت ہوئی،گفتگو

منگل 17 اپریل 2018 15:35

رام اللہ(اُردو پوائنٹ اخبارتازہ ترین - این این آئی۔ 17 اپریل2018ء) تنظیم آزادی فلسطین کی مجلس عاملہ کے سیکریٹری ڈاکٹر صائب عریقات نے واضح کیا ہے کہ القدس عرب سربراہ کانفرنس نے تمام فلسطینی تجاویز کو اپنی قراردادوں میں تبدیل کردیا۔

(جاری ہے)

عرب ٹی وی کے مطابق صدر محمود عباس نے فروری 2018ء کے دوران سلامتی کونسل کے سامنے جو سیاسی تصور رکھا تھا اس کو 29ویں عرب سربراہ کانفرنس منعقد ظہران نے اپنالیا۔ عریقات نے کہا کہ عرب سربراہ کانفرنس صحیح معنوں میں اول درجے کی فلسطینی سربراہ کانفرنس ثابت ہوئی۔ عرب قائدین نے القدس کو اسرائیل کا دارالحکومت قرار دینے والے امریکی صدر کے اعلان کی مذمت کی اور اس امر پر زور دیا کہ القدس فلسطینی ریاست کا دارالحکومت ہے اور رہے گا۔