پشاور، پرائیویٹ سکولز ریگولیٹری اتھارٹی نے آئی ایم یو کے ذریعے نجی سکولوں کے معائنے کا کوئی فیصلہ نہیں کیا،

ترجمان آئی ایم یوکے حوالے نجی سکولوں کے احتجاج سے متعلق شائع خبر کو غلط، بے بنیاد اور قرار دے دیا ، کہ پرائیویٹ سکولز کے اندر حاضری اور ڈسپلن اُن کا اندرونی معاملہ ہے ، آئی ایم یو کا کوئی سروکار نہیں، وضاحتی بیان

منگل 17 اپریل 2018 20:45

پشاور (اُردو پوائنٹ اخبارتازہ ترین - آن لائن۔ 17 اپریل2018ء) خیبرپختونخوا پرائیویٹ سکولز ریگولیٹری اتھارٹی کے ترجمان نے نجی سکولوں کے معائنے کا اختیار انڈیپنڈنٹ مانیٹرنگ یونٹ (آئی ایم یو) کے حوالے کرنے اور اسکے خلاف نجی سکولوں کے احتجاج سے متعلق شائع خبر کو بالکل غلط، بے بنیاد اور انتہائی گمراہ کن قرار دیا ہے۔ ایک وضاحتی بیان میں ترجمان نے واضح کیا کہ اتھارٹی نے آئی ایم یو کے ذریعے نجی سکولوں کے معائنے کا کوئی فیصلہ نہیں کیا جب ایسی کسی بات کا وجود ہی نہ ہو تو اسکے خلاف احتجاج یا ہڑتال کا سوال ہی پیدا نہیں ہوتا۔

ترجمان نے واضح کیا کہ پرائیویٹ سکولز کے اندر حاضری اور ڈسپلن اُن کا اندرونی معاملہ ہے جس سے آئی ایم یو یا اتھارٹی کا کوئی سروکار نہیں آئی ایم یو کی انسپکشن کا دائرہ اختیار صرف سرکاری سکولز تک محدود ہے اسلئے اس بارے میں غلط فہمیاں پھیلانا درست نہیں۔

(جاری ہے)

ترجمان نے مزید واضح کیا کہ پرائیویٹ سکولز ریگولیٹری اتھارٹی نینجی تعلیمی شعبے اور والدین و طلبہ کے وسیع ترمفاد میں قائم صوبائی اسمبلی سے منظور کردہ قانونی ادارہ ہے جس نے اضلاع کی سطح پر پرائیویٹ سکولز کی رجسٹریشن اور سالانہ تجدید کے فارم وصول کرنے اور انکی سکروٹنی کیلئے آئی ایم یو کی خدمات حاصل کی ہیں کیونکہ نیا ادارہ ہونے کے سبب اضلاع میں اتھارٹی کا کوئی دفتر یا سیٹ اپ نہیں اور ضلعی دفاتر قائم ہونے تک آئی ایم یو سے فارم وصولی اور سکروٹنی و درستگی کی درخواست کی گئی ہے جو اس نے کمال مہربانی سے قبول کی ہے ترجمان نے بتایا کہ اتھارٹی کا ہر فیصلہ بورڈ آف گورنر کے اجلاسوں میں ہوتا ہے اور فیصلہ سازی کے ہر عمل میں پرائیویٹ سکولز کے نمائندے بھی شامل ہوتے ہیں اسی طرح نئے پرائیویٹ سکولز کی رجسٹریشن یا سالانہ تجدید کے سلسلے میں کوئی ابہام دور کرنے کیلئے اگر کسی ضلع میں ّآئی ایم یو کا اہلکار سکول کا دورہ کرے گا تو پرائیویٹ سکولز کے ممبران بھی انکے ہمراہ ہونگے اور یہ نجی سکولز کے عین مفاد میں ہے تاکہ رجسٹریشن و تجدید کے معاملات جلد از جلد اور خوش اسلوبی کے ساتھ نمٹائے جاسکیں۔

یہ امر افسوسناک ہے کہ بعض مفاد عناصر اتھارٹی اور نجی سکولوں سے متعلق افواہیں اور غلط فہمیاں پھیلانے میں مصروف ہیں جو پرائیویٹ سکولز اور عوام دونوں کے مفاد میں نہیں اسلئے نجی تعلیمی شعبے کو محتاط ہونے کے علاوہ اسکے تدارک کیلئے موثر کاروائی کرنا چاہئے ترجمان نے امید ظاہر کی کہ آئندہ اسطرح کی منفی میڈیا رپورٹوں اور سنسنی خیز ی پھیلانے کی کوششوں سے گریز کیا جائے گا

Facebook Twitter Google + Share on Whatsapp

مزید متعلقہ خبریں پڑھئیے‎ :

اسلام آباد پولیس نے جے یو آئی کے ممکنہ دھرنے کو سہولیات فراہم کرنے پر پابندی عائد کردی

جمعہ 18 اکتوبر 2019 - 23:28

نام نہاد اپوزیشن فضل الرحمن کے ساتھ نہیں، اعجازاحمدچوہدری

جمعہ 18 اکتوبر 2019 - 23:17

مولانا فضل الرحمن مذاکرات کے دروازے بند نہ کریں شیخ رشید

جمعہ 18 اکتوبر 2019 - 22:50

اپوزیشن جماعتیں احتجاج نہیں2023ء کے انتخابات کا انتظار کریں ، عوام نے ہمیں 5سال حکومت کا مینڈ یٹ دیاہے ، مسئلہ کشمیر کے حل تک خطے میں امن کا قیام ممکن ..

جمعہ 18 اکتوبر 2019 - 21:13