کاشتکاروں کو سفیدمکھی کے تدارک کیلئے فوری اقدامات کی ہدایت

بدھ اپریل 11:02

قصور۔18 اپریل(اُردو پوائنٹ اخبارتازہ ترین۔ 18 اپریل2018ء)محکمہ زراعت نے کاشتکاروں کو سفیدمکھی کے تدارک کیلئے فوری اقدامات کی ہدایت کی ہے اورکہاہے کہ کاشتکار بہاریہ فصلات پر سفید مکھی کا حملہ روکنے کیلئے محکمہ زراعت کے فیلڈ سٹاف کی مدد سے بروقت سپرے یقینی بنائیں تاکہ فصلات کو پہنچنے والے نقصان سے بچاجاسکے۔

(جاری ہے)

محکمہ کے ترجمان نے کہا کہ سفید مکھی کپاس کا انتہائی نقصان دہ کیڑاہے جوسارا سال متحرک رہتاہے اور اس کی سال میں10 سے 12نسلیں ہوتی ہیں جو کپاس کے علاوہ میزبان پودوں مکئی‘ جوار‘ تمباکو‘سورج مکھی‘ لوسرن‘ برسیم ‘ سبزیوں گوبھی‘ مولی‘شکرقندی‘ بینگن‘ بھنڈی توری‘ پھلوں‘لیچی‘ترشادہ پھلوں انار ‘بیر‘امرود‘ شہتوت وغیرہ پر پرورش پاتی ہیں۔