جاپان کے امریکا کے ساتھ تجارتی منافع میں کمی

بدھ 18 اپریل 2018 13:09

ٹوکیو ۔ (اُردو پوائنٹ اخبارتازہ ترین - اے پی پی۔ 18 اپریل2018ء) جاپان نے کہا ہے کہ مارچ کے دوران اس کے امریکا کے ساتھ تجارتی منافع میں کمی ہوئی جس کی وجہ امریکی کاروں اور طیاروں کی درآمد میں اضافہ ہے۔وزارت خزانہ کی جانب سے بدھ کو جاری ہونے والی رپورٹ کے مطابق مارچ کے دوران جاپان کا امریکا کے ساتھ تجارتی منافع 623.1 ارب ین (5.9 ارب ڈالر ) رہا جو فروری کی نسبت 0.2 فیصد کم ہے۔

اس کی وجہ ماہ کے دوران امریکی ساختہ گاڑیوں اور طیاروں کی درآمد کے باعث اخراجات میں اضافہ ہے۔رپورٹ میں بتایا گیا ہے کہ ماہ کے دورا ملک کا مجموعی تجارتی منافع 797.3 ارب ین رہا جو مارچ 2017 ء کے مقابلے میں 32.1 فیصد زیادہ ہے۔ماہ کے دوران برآمدات کی شرح میں 2.1 فیصد اضافہ ریکارڈ کیا گیا جس کی وجہ کاروں اور چپ ساز آلات کی برآمد میںاضافہ ہے دوسری جانب درآمدات میں مارچ 2017 ء کی نسبت 0.6 فیصد کمی دیکھنے میں آئی۔

(جاری ہے)

مارچ کے دوران ڈالر کے مقابلے میں ملکی کرنسی ین کی شرح تبادلہ مارچ 2017 ء کے مقابلے میں اوسطا 6.3 فیصد زیادہ رہی۔اس کے علاوہ عالمی سطح پر قیمتوں میں اضافے کے باعث پٹرولیم مصنوعات اور ایل این جی کی درآمدی قیمت میں اضافہ رہا۔ان کا کہنا تھا کہ کاروں کی درآمدی قیمت میں اضافے کے باوجود مارچ کے دوران ان کی درآمد میں بھی تیزی دیکھنے میں آئی۔

Facebook Twitter Google + Share on Whatsapp

جاپان کے امریکا کے ساتھ تجارتی منافع میں کمی

مزید تجارتی خبریں