سابق امریکی خاتون اول باربرا بش 92 برس کی عمر میں انتقال کرگئیں

باربرا بش پھیپھڑوں اور دل کے مرض میں مبتلا تھیں، پہلی خاتون اول تھیں جنہوں نے شوہر اور بیٹے دونوں کی حلف صدارت کی تقریب دیکھی

بدھ اپریل 15:50

واشنگٹن (اُردو پوائنٹ اخبارتازہ ترین۔ 18 اپریل2018ء)سابق امریکی خاتون اول باربرابش 92 برس کی عمر میں انتقال کرگئیں، وہ سابق صدر بش سینئر کی بیوی اور بش جونیئرکی والدہ تھیں۔

(جاری ہے)

غیر ملکی میڈیا کے مطابق باربرا بش پھیپھڑوں اور دل کے پرانے مرض میں مبتلا تھیں، وہ ہسپتال میں حالیہ عرصے کے دوران کئی بار داخل ہوئیں۔انتقال سے دو روز قبل انہوں نے گھر والوں کے درمیان ہونے کی خواہش کا اظہار کیا تھا۔ باربرا بش انیس سو نواسی سے انیس سو ترانوے کے دوران امریکی خاتون اول رہیں، وہ پہلی خاتون اول تھیں جنہوں نے شوہر اور بیٹے دونوں کی حلف صدارت کی تقریب دیکھی۔