قائد اعظم ٹرافی گریڈ ٹو، ملتان، حیدرآباد، کراچی بلیو اور ایبٹ آباد نے سیمی فائنل کے لئے کوالیفائی کرلیا

بدھ 18 اپریل 2018 20:03

اسلام آباد ۔18 اپریل(اُردو پوائنٹ اخبارتازہ ترین - اے پی پی۔ 18 اپریل2018ء) ملتان، حیدرآباد، کراچی بلیو اور ایبٹ آباد نے قائد اعظم ٹرافی گریڈ ٹو کے سیمی فائنل کے لئے کوالیفائی کرلیاہے، سیمی فائنل مقابلے 21 اپریل سے شروع ہوں گے، چیئرمین پی سی بی کے مشیر شکیل شیخ نے کہا کہ ٹورنامنٹ میں دس ٹیمیں حصہ لے رہی ہیں جنہیں دو گروپوں میں تقسیم کیا گیا، گروپ اے میں ملتان، ایبٹ آباد، آزاد جموں و کشمیر، کوئٹہ اوربہاولپور جبکہ گروپ بی میں کراچی بلیو، حیدرآباد، سیالکوٹ، لاڑکانہ اور ڈیرہ مراد جمالی شامل ہیں۔

(جاری ہے)

پہلا سیمی فائنل میچ ملتان اور حیدرآباد کی ٹیموں کے درمیان ملتان سٹیڈیم میں کھیلا جائے گا، دوسرا سیمی فائنل کراچی بلیو اور ایبٹ آباد کے درمیان کراچی سٹیڈیم میں کھیلا جائے گا، فائنل میچ 8 مئی کو کھیلا جائے گا۔