ناشپاتی‘ دماغ اور آنکھوں کے لیے مفید ہے، امریکی ماہرین

جمعہ 20 اپریل 2018 12:21

واشنگٹن۔ (اُردو پوائنٹ اخبارتازہ ترین - اے پی پی۔ 20 اپریل2018ء) امریکی ماہرین صحت نے کہا ہے کہ سپر فوڈ قرار دیا جانے والا پھل ناشپاتی کے کھانے سے دماغ اور آنکھوں کو زبردست فائدہ حاصل ہوتا ہے ۔ٹفٹس یونیورسٹی کے شعبہ صحت کے ماہرین کی جدید تحقیق سے معلوم ہوا ہے کہ ناشپاتی غذائیت سے بھرپور ایسا پھل ہے جس میں صحت کے لیے مفید غیر سیرشدہ چکنائیاں ہوتی ہیں جن میں اومیگا تھری بکثرت پایا جاتا ہے جس کے استعمال سے عمر رسیدہ افراد میں دماغی کارکردگی بہتر ہوتی ہے جبکہ اس میں پائے جانے والے کیراٹینوئیڈ اینٹی اکسیڈنٹ لیوٹین کے باعث بصارت بہتر ہوتی ہے۔

ماہرین کے مطابق تقریباً ہر طرح کی سبزی اور پھلوں میں ایک رنگ دار جزو (پگمنٹ) لیوٹین پایا جاتا ہے جو نہ صرف آنکھوں کی حفاظت کرتا ہے بلکہ دماغی صلاحیت، یادداشت اور اکتساب میں بھی اہم کردار ادا کرتا اور بدن میں سوزش کم کرتا ہے ۔

(جاری ہے)

تحقیق سے ایک اور دلچسپ بات بھی سامنے آئی ہے کہ آنکھوں کی بہتری دماغی صلاحیت پر بھی اثرات ہوتی ہے۔ ماہرین کا اصرار ہے کہ اگر کوئی شخص آنکھوں میں لیوٹین بڑھانے کی گولیاں یا سپلیمنٹ کھارہا ہے تو وہ اسے چھوڑ کر ناشپاتی کھانے پر انحصار کرے کیونکہ یہ سب سے مؤثر عمل ہے۔ واضح رہے کہ امریکا میں ہسپانوی آبادی رغبت سے ناشپاتی کھاتی ہے اور پورے امریکا میں ان کی اوسط عمر زیادہ اور آنکھوں کے امراض بھی کم رونما ہوتے ہیں

Facebook Twitter Google + Share on Whatsapp

ناشپاتی‘ دماغ اور آنکھوں کے لیے مفید ہے، امریکی ماہرین

مزید بین الاقوامی خبریں