چین اور کیوبا ترقی کے نئے راستے پر گامزن ہو رہے ہیں

نئے منتخب راہنمائوں کے نام چینی صدر مملکت اور وزیر اعظم کے تہنیتی پیغامات

جمعہ 20 اپریل 2018 16:31

بیجنگ (اُردو پوائنٹ اخبارتازہ ترین۔ 20 اپریل2018ء) چینی کمیونسٹ پارٹی کے جنرل سیکرٹری ، صدر مملکت شی جن پھنگ نے کیوبا کی کمیونسٹ پارٹی کی مرکزی کمیٹی کے اول سیکرٹری لووٴْر کاسترو اور نئے منتخب صدر ڈیاز کنیل کو الگ الگ تہنیتی پیغامات بھیجے۔ شی جن پھنگ نے اپنے پیغامات میں کہا کہ چین اور کیوبا بااعتماد ،ہم نصیب اور پرخلوص دوست ہیں۔ دونوں ممالک کے عوام کے درمیان گزشتہ کٹھن جدوجہد کے دوران گہری دوستی پائی گئِی ہے۔

اس وقت بین الاقوامی اور علاقائی صورتحال میں پیچیدہ تبدیلی آ رہی ہے۔

(جاری ہے)

چین اور کیوبا ترقی کے نئے راستے پر گامزن ہو رہے ہیں۔ چین کیوبا کے ساتھ مل کر آگے بڑھنے کی کوشش کرنا چاہتا ہے ۔چائنہ انٹرنیشنل ریڈیو کے مطابق صدر شی جن پھنگ نے مزید کہا کہ وہ صدر ڈیاز کنیل کے ساتھ مل کر دونوں ممالک کے درمیان تعاون کے فروغ کے لئے مشترکہ کوشش کریں گے تاکہ نئے عہد میں چین کیوبا دوستی کا نیا باب وجود میں آسکے ۔ اسی دن چینی وزیر اعظم لی کھہ چھِیانگ نے بھی اپنے تہنیتی پیغام میں ڈیاز کنیل کو مبارک باد دیتے ہوئے کہا کہ چین ، کیوبا کے ساتھ مل کر دونوں ممالک کے تعلقات کے فروغ کے لئے مشترکہ کوشش کرے گا۔