بھارتی معروف گرو آسا رام پر جنسی زیادتی کا الزام ثابت،77سالہ گرو کے لیے سزا کا اعلان بعد میں کیا جائے گا

بدھ 25 اپریل 2018 18:37

نئی دہلی(اُردو پوائنٹ اخبارتازہ ترین - آئی این پی۔ 25 اپریل2018ء) بھارتی معروف گرو آسا رام پر جنسی زیادتی کا الزام ثابت ہو گیا، 77سالہ گرو کے لیے سزا کا اعلان بعد میں کیا جائے گا۔ بھارتی میڈیا کے مطابق بھارت کے ایک معروف گرو آسارام باپو کو جنسی زیادتی کے ایک مقدمے میں قصور وار قرار دے دیا گیا ہے۔

(جاری ہے)

جج نے فیصلہ سناتے ہوئے کہا کہ 77 سالہ گرو کے لیے سزا کا اعلان بعد میں کیا جائے گا۔

آسارام نے 2013 میں اپنی ایک پیروکار کمسن بچی کو اپنی ہوس کا نشانہ بنایا تھا۔ ممکنہ احتجاج کی وجہ سے اس مقدمے کی کارروائی ریاست راجستھان کی ایک جیل میں مکمل کی گئی۔ آسارام باپو کو عمر قید تک کی سزا ہو سکتی ہے۔ آسارام اور ان کے بیٹے پر جنسی زیادتی کا ایک اور مقدمہ بھی قائم ہے۔ دنیا بھر میں آسارام کے چار سو سے زائد آشرم ہیں۔