سعودی لیبر مارکیٹ سے 4لاکھ 66ہزار غیر ملکی آئوٹ،ایک لاکھ 2ہزار سعودی ان

ملک میں بے روزگاری کی شرح 12.8فیصد پر آکر ٹھہر گئی،سعودی اعداد و شمار

پیر 30 اپریل 2018 23:24

ریاض(اُردو پوائنٹ اخبارتازہ ترین - آئی این پی۔ 30 اپریل2018ء) 2017ء کی چوتھی سہ ماہی میں سعودی لیبر مارکیٹ سے 4لاکھ 66ہزار غیر ملکی نکالے گئے اورایک لاکھ 2ہزار سعودیوں کو روزگار میسر ہوا،سعودی عرب میں بے روزگاری کی شرح 12.8فیصد پر آکر ٹھہر گئی۔

(جاری ہے)

غیر ملکی میڈیا کے مطابق 2017ء کی چوتھی سہ ماہی کے دوران سعودی لیبر مارکیٹ کی بابت منظرعام پر آنے والے اعدادوشمار سے پتہ چلا ہے کہ 4لاکھ66 ہزار غیر ملکی مارکیٹ سے نکلے جبکہ ایک لاکھ2ہزار سعودیوں کو روزگار ملا۔

سعودیوں میں بے روزگاری کی شرح 12.8فیصد پر آکر ٹھہر گئی۔2017 ء کی دوسری اور تیسری سہ ماہی میں بھی اعدادوشمار یہی تھے۔ 2017ء کی آخری سہ ماہی میں سعودی کارکنان کی تعداد 3.16ملین پائی گئی جبکہ 2016ء کی آخری سہ ماہی میں انکی تعداد 3.06ملین تھی۔ 2017ء کے آخر میں غیر ملکی کارکنان کی تعداد 10.42ملین تھی جبکہ 2016ء کے آخر میں انکی تعداد 10.88ملین تھی۔