آئندہ سال کا نوبیل امن انعام مجھے دیا جائے گا، ڈونلڈ ٹرمپ پُرامید

میری قیادت میں کئی بڑے عالمی تنازعات ٹل گئے، کوئی بھی امریکی صدر ایک بھی جنگ نہیں روک سکا لیکن میں نے 8 جنگیں آٹھ ماہ میں روک دیں، میں نے وہ کیا جو لوگوں کیلئے ناقابلِ یقین ہے، امریکی صدر

جمعرات 16 اکتوبر 2025 09:00

آئندہ سال کا نوبیل امن انعام مجھے دیا جائے گا، ڈونلڈ ٹرمپ پُرامید

واشنگٹن (اُردو پوائنٹ اخبارتازہ ترین - اے پی پی۔ 16 اکتوبر2025ء) امریکی صدر ڈونلڈ ٹرمپ نے کہا ہے کہ انہیں امید ہے کہ آئندہ سال کا نوبیل امن انعام انہیں دیا جائے گا۔ تاس کے مطابق انہوں نے یہ بات ہنسی مذاق کے انداز میں وائٹ ہاؤس میں ایک استقبالیہ کے دوران کہی، تاہم ان کا دعویٰ تھا کہ ان کی قیادت میں کئی بڑے عالمی تنازعات ٹل گئے۔امریکی صدر نے کہاکہ میرے خیال میں کوئی بھی امریکی صدر ایک بھی جنگ نہیں روک سکا، لیکن میں نے آٹھ جنگیں آٹھ ماہ میں روک دیں۔

(جاری ہے)

انہوں نے مزید کہا کہ میں نے وہ کیا جو لوگوں کے لئے ناقابلِ یقین ہے۔ مگر کوئی بات نہیں، مجھے لگتا ہے کہ اگلا سال بہتر ہوگا۔امریکی صدر نے یہ بھی دعویٰ کیا کہ ان کے اقدامات کے باعث "شاید کروڑوں جانیں بچ گئی ہیں ۔واضح رہے کہ رواں برس نوبل امن انعام وینزویلا کی اپوزیشن رہنما اور سابق رکن پارلیمنٹ ماریا کورینا ماچادو کو دیا گیا، جنہیں جمہوری حقوق کے لیے جدوجہد اور آمریت سے جمہوریت کی طرف پرامن منتقلی کی کوششوں کے اعتراف میں منتخب کیا گیا۔