ڈپٹی کمشنر چارسدہ منتظر خان نے تحصیل تنگی میں صفائی مہم کا افتتاح کردیا

پیر 30 اپریل 2018 23:35

پشاور(اُردو پوائنٹ اخبارتازہ ترین - آئی این پی۔ 30 اپریل2018ء) ڈپٹی کمشنر چارسدہ منتظر خان نے تحصیل تنگی میں صفائی مہم کا افتتاح کیا ،اس موقع پر علاقے کے عمائدین اور بلدیاتی نمائندے بھی موجود تھے ڈپٹی کمشنر نے خود بھی صفائی مہم میںحصہ لیا اور مقامی لوگوں پر بھی زور دیا کہ وہ اس مہم میں ٹی ایم اے کے اہلکاروں کے ساتھ بھرپورتعاون کریں تاکہ علاقے کو گندگی سے پاک کرکے مقامی آبادی کو ایک صحت مند ماحول فراہم کیا جاسکے ۔

(جاری ہے)

دریں اثنا ء پراونشل یوتھ اسمبلی اور ڈاکٹر ایسوسی ایشن کے وفود نے بھی ڈپٹی کمشنر چارسدہ منتظر خان سے ملاقات کی جس میں ان تنظیموں کے عہدیداروں نے ڈپٹی کمشنر کو اپنی سرگرمیوں کے بارے آگاہ کیا ۔اس موقع پر بہترین کارکردگی کامظاہرہ کرنے والوں میں اسناد بھی تقسیم کیے گئے ۔