رواں مالی سال 2017-18ء کے دوران موٹر سائیکلز کی اندرون ملک تیاری کیلئے استعمال ہونے والی مکمل تیار شدہ کٹس کی درآمد میں 19 فیصد کا اضافہ

منگل 1 مئی 2018 10:30

ْ اسلام آباد ۔ یکم مئی (اُردو پوائنٹ اخبارتازہ ترین - اے پی پی۔ 01 مئی2018ء) رواں مالی سال 2017-18ء کے دوران موٹر سائیکلز کی اندرون ملک تیاری کیلئے استعمال ہونے والی مکمل تیار شدہ کٹس کی درآمد میں 19 فیصد کا اضافہ ہوا ہے۔

(جاری ہے)

ادارہ برائے شماریات پاکستان (پی بی ایس) کے اعدادوشمار کے مطابق جاری مالی سال کے پہلے 9 ماہ جولائی تا مارچ کے دوران 78.6 ملین ڈالر مالیت کی سی کے ڈی/ ایس کے ڈی درآمد کی گئی ہیں جبکہ گزشتہ مالی سال کے اسی عرصہ کے دوران ان کی مالیت 66 ملین ڈالر ریکارڈ کی گئی تھی۔ اس طرح گزشتہ مالی سال کے مقابلہ میں جاری مالی سال کے دوران موٹر سائیکلز کی تیاری میں استعمال ہونے والی سی کے ڈی/ ایس کے ڈی کی درآمدات میں 19 فیصد کا اضافہ ریکارڈ کیا گیا ہے۔