پاکستان سکواش سرکٹ ون ٹورنامنٹ 8 سے 13 مئی تک سلام آباد میں کھیلا جائے گا

منگل 1 مئی 2018 18:40

اسلام آباد(اُردو پوائنٹ اخبارتازہ ترین - آئی این پی۔ 01 مئی2018ء) پاکستان سکواش فیڈریشن کے زیراہتمام پاکستان سکواش سرکٹ ون ٹورنامنٹ 8 سے 13 مئی تک مصحف علی سکواش کمپلیکس اسلام آباد میں کھیلا جائے گا۔

(جاری ہے)

پاکستان سکواش فیڈریشن کے گیم ڈویلپمنٹ آفیسر فلائٹ لیفٹیننٹ عامر اقبال نے بتایا کہ اس ایونٹ میں پاکستان کے مرد و خواتین کھلاڑی شرکت کریں گے۔ اس ایونٹ کے انعقاد کا مقصد کھلاڑیوں کی رینکنگ میں بہتری لانا ہے۔ اس ایونٹ کی انعامی رقم 10 ہزار ڈالر مقرر کی گئی ہے۔ پروفیشنل سکواش ایسوسی ایشن نے پاکستان سکواش فیڈریشن کو اس ایونٹ کی میزبانی دی ہے۔