بھارتی دارالحکومت نئی دہلی دنیا کا سب سے آلودہ ترین شہر قرار

عالمی ادارہ صحت کے دنیا بھر کے شہروں کی فضائی آلودگی سے متعلق نئے اعدادوشمار جاری،14بھارتی شہر شامل

بدھ 2 مئی 2018 15:32

نیویارک(اُردو پوائنٹ اخبارتازہ ترین - این این آئی۔ 02 مئی2018ء) عالمی ادارہ صحت نے دنیا بھر کے شہروں کی فضائی آلودگی سے متعلق نئے اعدادوشمار جاری کئے ہیں جس میں بھارتی دارالحکومت نئی دہلی دنیا کا سب سے آلودہ ترین شہر قراردیا گیا ہے ،اس فہرست میں 20 آلودہ ترین شہروں میں سے 14 بھارت کے شہر شامل ہیں۔

(جاری ہے)

بھارتی ٹی وی کے مطابق فہرست میں بتایاگیاکہ بھارتی دارالحکومت نئی دہلی دنیا کا سب سے آلودہ ترین شہر ہے۔نئی دہلی کے علاوہ ممبئی ،پٹنا،آگرہ،واراناسی،سری نگر،جے پور،جودھ پور کے نام شامل ہیں۔ممبئی کو چینی دارالحکومت بیجنگ سے زیادہ آلودہ قرار دیا گیا ہے،بیجنگ کا نمبر اس فہرست میں پانچواں ہے۔