سندھ ہائی کورٹ نے سابق اسسٹنٹ انجینئر سائٹ نوری آباد علی اصغر کی ضمانت میں 11 مئی تک توسیع کردی

جمعہ 4 مئی 2018 16:50

کراچی (اُردو پوائنٹ اخبارتازہ ترین - این این آئی۔ 04 مئی2018ء) سندھ ہائی کورٹ نے سابق اسسٹنٹ انجینئر سائٹ نوری آباد علی اصغر کی ضمانت میں 11 مئی تک توسیع کرتے ہوئے سماعت ملتوی کردی ہے ۔جمعہ کو سندھ ہائی کورٹ سابق اسسٹنٹ انجینئر سائٹ نوری آباد علی اصغر کی درخواست ضمانت سے متعلق سماعت ہوئی ۔

(جاری ہے)

عدالت میں نیب کے پرسیکیوٹرکا کہنا تھا کہ ملزم علی اصغر نے 251 ملین کی کرپشن کی ملزم نیآمدن سے زائد اثاثے بنائے ملزم کے پاس 22 ایکڑ زمین اور پیٹرول پمپ بھی ہیں۔

عدالت میں ملزم کی جانب سے وکیل صفائی کا کہنا تھا کہ میرا موکل علی اصغراپنے بھائی کیساتھ مل کر کاروبار کرتا ہے میرے موکل نے جو اثاثے بنائے وہ فیملی اثاثوں میں شمار ہوتے ہیں عدالت نے وکیل صفائی کا موقف سنتے ہوئے علی اصغر کی درخواست ضمانت میں 11 مئی تک توسیع کردی ۔